ENG GEO

Search form

სიახლეები

აგრარული უნივერსიტეტის დოქტორანტი მივლინებული იქნება ავსტრიაში ორჯრ (პროექტის დასაწყისში და ბოლოს) 6-6 თვიანი კურსის გასავლელად, სადაც ავსტრიელ პროფესორთან ერთად შეიმუშავებს ჯანმრთელი თესლის ინტეგრირებულ მიდგომებს. ავსტრიაში ვიზიტებს შორის პერიოდში დოქტორანტი პრაქტიკულ კვლევებს გააგრძელებს საქართველოში. დოქტორანტის პროექტთან დაკავშირებულ ხარჯებს როგორც ავსტრიაში, ასევე საქართველოში დაფარავს პროექტის ბიუჯეტი.
22.07.2017
საქართველოს აგრარული უნივერსიტეტის სამეცნიერო ჟურნალმა "Annals of Agrarian Science" (აგრარული მეცნიერების მაცნე), რომელიც 2016 წლიდან ჩართულია "ელსევიერის" უმსხვილეს საერთაშორისო სამეცნიერო ბაზაში, მორიგი საერთაშორისო აღიარება მოიპოვა. ჟურნალის ავტორების პუბლიკაციების თარგმნით და გამოქვეყნებით დაინტერესდა ჩინური სამეცნიერო საგამომცემლო სახლი Universe Scientific Publishing Pte, რომელიც 2011 წლიდან ჩინეთის განათლების სამინისტროსა და ვისდომის საინჟინრო ასოაციაციასთან თანამშრომლობით უზრუნველყოფს სხვადასხვა პროფილის სამეცნიერო აკადემიური ჟურნალების გამოცემას. თარგმნაზე შემოთავაზება მიიღეს აგრარული უნივერსიტეტის თანამშრომლებმა: რევაზ მახარობლიძემ, იგორ ლაგვილავამ, ბეჟან ბასილაშვილმა, თენგიზ ურუშაძემ, თამარ ქვრივიშვილმა და გიული წერეთელმა. უკანასკნელი წელიწადნახევრის მანძილზე "Annals of Agrarian Science"-ში გამოქვეყნებული სტატიების ავტორებმა 150-მდე მოწვევა მიიღეს სხვადასხვა სამეცნიერო კვორუმებში, კონფერენციებსა და კონგრესებში მონაწილეობაზე, რაც კიდევ ერთხელ მეტყველებს ჟურნალის საერთაშორისო აღიარებაზე.
21.07.2017
საქართველოს აგრარული უნივერსიტეტის ქიმიისა და მოლეკულური ინჟინერიის ინსტიტუტის თანამშრომელი, უფროსი მეცნიერ-მკვლევარინინო ზავრადაშვილი რვა თვით, იაპონიის ქალაქ საპოროში გაემგზავრება. ნინო ამ ხნის განმავლობაში იმუშავებს ჰოკაიდოს უნივერსიტეტში, მაკრომოლეკულურ მეცნიერებათა განყოფილების კატალიზის ინსტიტუტში (ICAT) პოსტ-დოკის პოზიციაზე პროფესპორ ტამაკი ნაკანოს ხელმძღვანელობით. ჰოკაიდოს უნივერსიტეტში ნინო ზავრადაშვილი დაასინთეზებს და შეისწავლის ახალი ტიპის, ე.წ. "ჰიბრიდულ" კატიონურ პოლიმერებს ამინომჟავა არგინინისა და ბიოგენური ტეტრაამინის - სპერმინის საფუძველზე. აღნიშნული სამუშაოს მიზანია, უკვე შესწავლილი, ე.წ. "მშობელი" პოლიმერების დადებითი თვისებების შერწყმით მიღებულ იქნას ახალი, "ჰიბრიდული" პოლიკატიონები გაუმჯობესებული თვისებებით, კერძოდ, წყალში ხსნადი, მაღალმოლეკულური პოლიმერები გაზრდილი ციტოშეთავსებადობით და ტრანსფექციული აქტივობით. ასეთი სახის პოლიკატიონები გამიზნულია მრავალფუნქციური სამედიცინო დანიშნულებისთვის როგორც გენის ტრანსფექციის და ანტიმიკრობულ, ასევე ანტიოქსიდანტურ და ანთების საწინააღმდეგო აგენტებად. გარდა ამისა, მათ საფუძველზე შეიძლება მიღებულ იქნას როგორც ბიოსამედიცინო, ასევე ტექნიკური დანიშნულების ბიოდეგრადირებადი ჰიდროგელები.
21.07.2017
აგრარული უნივერსიტეტის ქიმიისა და მოლეკულური ინ
21.07.2017
საქართველოს აგრარული უნივერსიტეტის მეცხოველეობისა და საკვებწარმოების ინსტიტუტის მეცნიერების სტატია “Alteration of white-rot basidiomycetes cellulase and xylanase activities in the submerged co-cultivation and optimization of enzyme production by Irpex lacteus and Schizophyllum commune” გამოქვეყნდა გამომცემლობის ELSEVIER-ის ჟურნალში Bioresource Technology (იმპაქტ ფაქტორი 6.1). სტატია მუშაობდნენ: ეკა მეტრეველი, ევა ქაჩლიშვილი, ვლადიმერ ელისაშვილი.
17.07.2017
აგრარულ და საბუნებისმეტყველო მეცნიერებათა სკოლის ქიმიის მიმართულების მეოთხე კურსის სტუდენტი მედეა ჩოგოვაძე თვითმფრინავების ნაწილების მწარმოებელი ქარხანაში დასაქმდა. ქარხანა 2018 წლის იანვრიდან დაიწყებს ფუნქციონირებას. მედეას და დამსაქმებლის პირველი შეხვედრა თავისუფალი და აგრარული უნივერსიტეტების დასაქმების ფორუმზე შედგა.
10.07.2017
გამომცემლობა Springer-ის ჟურნალმა Experimental Brain Research (იმპაქტ ფაქტორი 2.28) საქართველოს აგრარული უნივერსიტეტის კოგნიტიურ ნეირომეცნიერებათა ინსტიტუტის და ფრაიბურგის უნივერსიტეტის (გერმანია) თანამშრომელთა ერთობლივი სტატია: “ Time-based event expectancies in children with Autism spectrum disorder ” გამოაქვეყნა. სტატიის ავტორები არიან: მარინა კუნჭულია, თამარ ტატიშვილი, ნინო ლომიძე, ხათუნა ფარქოსაძე, როლანდ თომაშკე მეცნიერებმა გამოავლინეს, რომ აუტისტური სპექტრის აშლილობის მქონე ბავშვებში დროითი მოვლენების მოლოდინების ფორმირების უნარი უფრო კარგად არის განვითარებული მათი ასაკის ტიპიური განვითარების ბავშვებთან შედარებით. კერძოდ, აუტისტური სპექტრის აშლილობის მქონე ბავშვები განსხვავებით ტიპიური განვითარების ბავშვებისგან დროითი მოვლენების მოლოდინების ფორმირებისას ისეთივე ქცევით სტრატეგიას იყენებენ როგორსაც ზრდასრული ჯანმრთელი ახალგაზრდა ინდივიდები. კვლევის შედეგებს შესაძლოა ჰქონდეს პრაქტიკული გამოყენება აუტისტური სპექტრის აშლილობის მქონე პირთათვის ოპტიმალური საგანმანათლებლო პროგრამების დიზაინისთვის. აღნიშნული კვლევა განხორციელდა შოთა რუსთაველის ეროვნული სამეცნიერო ფონდის დაფინანსებით.
10.07.2017
აგრარული უნივერსიტეტის ორგანიზებით კამპუსში სტუ
03.07.2017
კახა ბენდუქიძის საუნივერსიტეტო კამპუსში გაიმართა აგრარული უნივერსიტეტის გამორჩეული პროფესორის დავით ფრანგიშვილის საჯარო ლექცია "პროკარიოტების ვირუსების მრავალფეროვნება და როლი ბიოსფეროში." დავით ფრანგიშვილი არის პარიზის პასტერის უნივერსიტეტის (Institut Pasteur) “Viruses of Hyperthermophilic Archaea” ჯგუფის ხელმძღვანელი.
30.06.2017

გვერდები