ENG GEO

Search form

სიახლეები

კახა ბენდუქიძის საუნივერსიტეტო კამპუსში სპეციალურად აგრარული უნივერსიტეტის აგრარულ და საბუნებისმეტყველო მეცნიერებების სკოლის სტუდენტებისთვის ჩატარდა აგრო დასაქმების ფორუმი. აგრარული უნივერსიტეტის ორგანიზებით მსგავსი ფორმატის დასაქმების ფორუმი კამპუსში პირველად გაიმართა. ფორუმის ფარგლებში გამოვლინდნენ და დაჯილდოვდნენ აგრარულ სფეროში მოღვაწე კომპანიები, რომლებმაც ყველაზე დიდი წვლილი შეიტანეს აგრარული უნივერსიტეტის სტუდენტების დასაქმებაში: ინვეტი, ლუდსახარში ზედაზენი, USAID-REAP და TIFLISKI VINI POGREB. სტანდარტულად, დასაქმების ფორუმი კამპუსში წელიწადში ორჯერ ტარდება და მასში თავისუფალი და აგრარული უნივერსიტეტების ყველა სტუდენტი მონაწილეობს.
22.06.2017
საქართველოს აგრარული უნივერსიტეტის მიხეილ საბაშვილის ნიადაგმცოდნეობის, აგროქიმიისა და მელიორაციის ინსტიტუტის ინიციატივით ჩატარდა მეექვსე სამეცნიერო რესპუბლიკური კონფერენცია, რომელიც მიეძღვნა საქართველოს მეცნიერების ეროვნული აკადემიის წევრ-კორესპონდენტის მიხეილ დარასელიას დაბადებიდან 115-ე წლისთავს.
22.06.2017
სექტემბერში "საქართველო-გერმანიის სამეცნიერო ხიდის" ფარგლებში იულიხის კვლევით ცენტრში (გერმანია) ჩატარდება ლექციების კურსი, პრაქტიკული მეცადინეობები და ლაბორატორიული ტრენინგები (Quali-Start-Up Science Lectures) საქართველოს მხრიდან მონაწილე კონსორციუმის წევრ 4 უნივერსიტეტიდან შერჩეული 20 სტუდენტისთვის. 8 ივნისს სტუდენტების შესარჩევი ინტერვიუების ჩასატარებლად კახა ბენდუქიძის საუნივერსიტეტო ​კამპუსს ეწვია იულიხის კვლევითი ცენტრის ჯგუფი ცხრა პროფესორის შემადგენლობით. 11 აპლიკანტიდან მათ მიერ შერჩეული იქნა აგრარული უნივერსიტეტის 5 სტუდენტი: დავით კორძაია, IV კურსი (ელექტრო-კომპ. ინჟ.) ანა სიხარულიძე, III კურსი (ელექტრო-კომპ. ინჟ.) ალექსანდრე კალანდაძე, III კურსი (ელექტრო-კომპ. ინჟ.) დიმიტრი გოდერძიშვილი, III კურსი (ელექტრო-კომპ. ინჟ.) ანა ქურდაძე, IV კურსი (ბიოლოგია) ლექციების კურსის ხანგრძლივობა იქნება 1 კვირა. ამასთანავე, ანა ქურდაძეს გადაეცა ჯილდოდ internship, რის საფუძველზეც ის დარჩება იულიხში დამატებით 4 კვირა და გაივლის ტრენინგებს ლაბორატორიებში. სტუდენტების ვიზიტი ფინანსდება გერმანული მხარისა და საქართველოს განათლების სამინისტროს მიერ.
19.06.2017
აგრარული უნივერსიტეტი ეხმიანება ბიზნესის ადმინი
10.06.2017
აგრარული უნივერსიტეტის საინჟინრო სკოლის სტუდენტი - ელენე მაისურაძე გახდა iGeneration-ის პროგრამის გამარჯვებული! ელენე სწავლას ოთხი წლით ირლანდიაში, ლიმერიკის უნივერსიტეტში გააგრძელებს ფონდის სრული დაფინანსებით. პროგრამა ფარავს სწავლის, საცხოვრებლისა მგზავრობის სრულ ხარჯებს. iGeneration არის კერძო ფონდი, რომელიც ორიენტირებულია მაღალი აკადემიური მოსწრების სტუდენტების მხარდაჭერაზე. პროგრამა უკვე რამდენიმე წელია ყოველწლიურად ავლენს გამარჯვებულებს და არსებობის განმავლობაში, ყოველთვის თავისუფალი უნივერსიტეტის სტუდენტი იმარჯვებდა. წელს პირველი შემთხვევაა, თავისუფალი უნივერსიტეტის სტუდენტთან ერთად, სტიპენდია აგრარული უნივერსიტეტის სტუდენტმაც მოიპოვა. შესაბამისად, ირლანდიაში ელენესთან ერთად, თავისუფალი უნივერსიტეტის სტუდენტი, ზურა ოშხნელიც გაემგზავრება.
01.06.2017
სოფლის მეურნეობის სამინისტროს სამეცნიერო კვლევითმა ცენტრმა, აგრარული უნივერსიტეტის საცდელ ბაზებზე წარმოებულ სიმინდის და სოიას თესლს მიანიჭა ჯიშის ხარისხის სერტიფიკატები, რაც გულისხმობს იმას, რომ ჩვენს მიერ წარმოებული სათესლე მასალა ყველა სტანდარტის გათალისწინებით უმაღლესი ხარისხისაა, ჯიშობრივად წმინდაა და შეესაბამება თანამედროვე სტანდარტებს. სერტიფიკატი მიენიჭა შემდეგ სიმინდის ჯიშებს: 1. ქართული ჰიბრიდი - წეროვანი 1 2. ქართული ჯიში - ქართული კრუგი 3. ქართული ჯიში - აჯამეთის თეთრი 4. ქართული ჯიში - აბაშის ყვითელი 5. ქართული ჰიბრიდი - ყაზბეგი სერტიფიკატი მიენიჭა შემდეგ სოიას ჯიშებს: 1. ქართული სოია - კოლხიდა 4 2. ქართული სოია - ბი-2
21.05.2017

გვერდები