ENG GEO

Search form

სიახლეები

აგრარული უნივერსიტეტის, ივანე ბერიტაშვილის სახელობის ექსპერიმენტული ბიომედიცინის ცენტრისა და დაავადებათა კონტროლის ეროვნული ცენტრის ლუგარის რეფერალური ლაბორატორიის ერთობლივმა პროექტმა "Mycobacterium bovis infection in South Caucasus and its Health Burden" გაიმარჯვა საერთაშორისო სამეცნიერი-ტექნიკური ცენტრის ( ISTC) მიერ გამოცხადებულ კონკურსში. პროექტი სამწლიანია და მისი ბიუჯეტი 291 000 აშშ დოლარს შეადგენს. პროექტის სამეცნიერო ხელმძღვანელია აგრარული უნივერსიტეტის პროფესორი, ლევან მაკარაძე. ძირითადი შემსრულებელი პროფესორი თენგიზ ყურაშვილი. ვულოცავთ ჩვენ მეცნიერებს მიღწეულ წარმატებას!
15.04.2017
სამეცნიერო ჟურნალმა Journal of Vision (იმპაქტ ფაქტორი 2.341) საქართველოს აგრარული უნივერსიტეტის კოგნიტიურ ნეირომეცნიერებათა ინსტიტუტის და ლოზანის ფედერალური ტექნოლოგიის ინსტიტუტის (შვეიცარია) თანამშრომელთა ერთობლივი სტატია, გამოაქვეყნა სათაურით - “ The role of one-shot learning in #TheDress”. სტატიის ავტორები არიან: ლეილა დრისი დაუნდი, ადრიენ დოერგინი, ხათუნა ფარქოსაძე, მარინა კუნჭულია, მაიკალ ჰერცოგი. მეცნიერებმა შეისწავლეს „კაბის“ ფენომენი რომლის ფოტოს გამოქვეყნებაც მსოფლიო მედიაში სერიოზული დისკუსიის თემა გახდა. ადმიანთა ნაწილი კაბას თეთრ-ოქროსფერში, ნაწილი კი შავ-ლურჯ ფერებში აღიქვამდა. კაბა რეალურად შავ-ლურჯი ფერისაა. განსხვავებით ფერის ილუზიების უმეტესობისგან, სადაც ფერთა აღქმა თითქმის ყველასთვის ერთნაირად, ილუზორულიად ხდება, ამ, უკვე ცნობილი კაბის შემთხვევაში, მიუხედავად ერთნარი ფონისა, ფერთა აღქმა განსხვავებულია და არ იცვლება. კვლევის შედეგების საფუძველზე მეცნიერებმა გამოთქვეს ვარაუდი, რომ ფონური განათების განსხვავებული ინტერპრეტაცია (ნათელი თუ ბნელი) განაპირობებს კაბის ფერების მიკერძოებულ აღქმას. ამასთანავე, კაბის ფოტოს პირველადი წარდგენისას ე.წ. ერთჯერადი დასწავლის ეფექტი უნდა თამაშობდეს მნიშვნელოვან როლს კაბის შემდგომში შავ-ლურჯად ან ოქროსფერ-თეთრად აღქმის სტაბილურობაში.
01.04.2017
კონკურსი “ედისონის ლიგა” დასრულდა კონკურსი ჩატარდა სამ ეტაპად. ფინალის შედეგად გამოვლინდნენ გამარჯვებული გუნდები. პირველი ადგილი დაიკავეს: საბა ინასარიძემ, რამაზ ჯავახიშვილმა და მარიამ ბუჩუკურმა. მათ გადაეცათ 15 000 ლარიანი სასწავლო ვაუჩერი. მეორე ადგილი - ნიკოლოზ ფესტვენიძე, მირიან მირიანაშვილი, გივი ხართიშვილი, რომლებმაც მოიპოვეს 9 000 ლარიანი სასწავლო ვაუჩერი. მესამე ადგილისა და 4 500 ლარიანი სასწავლო ვაუჩერის მფლობელები გახდნენ გიორგი საათაშვილი, ლუკა ნადირაძე და გიორგი მჭედლიშვილი.
30.03.2017
დასრულდა კონკურსი ლავუაზიეს წრე, რომელიც განკუთვნილია ქიმიითა და ბიოლოგიით დაინტერესებული აბიტურიენტებისთვის. კონკურსი გაიმართა სამ ეტაპად , რომლის შედეგადაც გამოვლინდა 3 გამარჯვებული გუნდი. 1-ელ ადგილზე გავიდა გუნდი, შემდეგი შემადგენლობით: სალომე ღვინეფაძე, რევაზ ლობჟანიძე, დავით ქავთარაძე. მათ მოიპოვეს 15 000 ლარიანი სასწავლო ვაუჩერი. მე-2 ადგილზე გასულ გუნდს, თომა რთველიაშვილს, ირაკლი შალიბაშვილს, მართა გულაშვილს, გადაეცა 9 000 ლარიანი სასწავლო ვაუჩერი. მე-3 ადგილოსან გუნდს, სერგი ბეთხოშვილს, ანა ნარინდოშვილს და სანდრო ჩხეიძეს - 4 500 ლარიანი სასწავლო ვაუჩერი.
30.03.2017
საქართველოს აგრარული უნივერსიტეტს, ათასწლეული
28.03.2017
საქართველოს აგრარული უნივერსიტეტის, მიხეილ საბაშვილის ნიადაგმცოდნეობის, აგროქიმიის და მელიორაციის ინსტიტუტის, საქართველოს ნიადაგმცოდნეთა საზოგადოებისა და საქართველოს პროფესიონალ ქიმიკოსთა ასოციაციის მიერ, კამპუსში ჩატარდა მოსწავლეთა რესპუბლიკური ოლიმპიადა ნიადაგმცოდნეობაში „დედამიწა ჩვენი სახლია“ . ოლიმპიადის მიზანი იყო მოსწავლეთა შორის საბუნებისმეტყველო დისციპლინების (განსაკუთრებით ნიადაგმცოდნეობის) პოპულარიზაცია; აგრარული მეცნიერებების მნიშვნელობის გააზრება; გარემოსა და ბუნებრივ რესურსებზე ზრუნვის აუცილებლობის გათავისება.
27.03.2017
2016 წლის დეკემბერში ცნობილმა გერმანულმა გამომცემლობამ LAP LAMBERT Academic Publishing ინგლისურ ენაზე გამოსცა საქართველოს აგრარული უნივერსიტეტის პროფესორის, კ. ამირაჯიბის ინჟინერიის ინსტიტუტის თანამშრომლის, აკადემიკოს რევაზ მახარობლიძის წიგნი, "ტრაქტორის თვლების გორვის თეორიის აქტუალური საკითხები". 2017 წლის 21 თებერვალს სოფლის მეურნეობის მეცნიერებათა აკადემიამ რევაზ მახარობლიძე დააჯილდოვა დიპლომით აგრარულ დარგში 2016 წლის საუკეთესო ფუნდამენტური ნაშრომისთვის, რომელიც წარმოადგენს ზემოაღნიშნულ გამოცემული წიგნის ძირითად მასალას.
16.03.2017
კამპუსს მორიგი ცნობილი სპიკერი ეწვია! ამჯერად აგრარული და თავისუფალი უნივერსიტეტების მოწვევით მწერალმა გიო ახვლედიანმა (აკა მორჩილაძე) წაიკითხა საჯარო ლექცია თემაზე: “შერიდან ჰოუპი და ვიქტორიას დროის სხვა ამბები.” ლექციის ბოლოს მწერალმა დამსწრე საზოგადოების მიერ დასმულ შეკითხვებსაც უპასუხა.
15.03.2017
აგრარული უნივერსიტეტის პროფესორის, ცოტნე სამადაშვილის სახელმძღვანელომ მოიპოვა სოფლის მეურნეობის მეცნიერებათა აკადემიის 2016 წლის საუკეთესო ნაშრომის სტატუსი. სახელმძღვანელო პირველი სრულყოფილი ნაშრომია, რომელშიც განხილულია კულტურულ მცენარეთა მეთესლეობის და თესლმცოდნეობის ზოგადი საკითხები. ყურადღება გამახვილებულია მეთესლეობის თანამედროვე სისტემების დანერგვის აუცილებლობაზე, სხვადასხვა კულტურათა მეთესლეობის თავისებურებებზე, მინდვრად აპრობაციასა და თესლის ხარისხის კონტროლზე, მეთესლეობაში გამოყენებული აგროტექნიკური ღონისძიებების თანამედროვე ტექნოლოგიები და ხარისხიანი თესლის გამოსავლიანობის გაზრდის საშუალებები. სახელმძღვანელო განკუთვნილია აგრარული მიმართულების უმაღლესი სასწავლებლის ბაკალავრიატის, მაგისტრატურის, დოქტორანტურის სტუდენტებისათვის და ფერმერებისათვის, რომლებიც დაინტერესებული არიან კონდიციური თესლის წარმოებით. სახელმძღვანელოს წარმატებით იყენებს საქართველოში აკრედიტირებული ყველა აგრარული მიმართულების უნივერსიტეტები და შეტანილია ძირითად სახელმძღვანელოთა სიაში.
15.03.2017

გვერდები