ENG GEO

Search form

სიახლეები

პროექტის Making an Impact in Policy Analysis in Georgia: Improving Research, Education and Engagement (MIPAG) ფარგლებში კახა ბენდუქიძის საუნივერსიტეტო კამპუსს ეწვივნენ ამერიკის საელჩოს წარმომადგენლები ჯეფ რენო - საზოგადოებასთან ურთიერთობის განყოფილების უფროსი, გრანტოფიცერი და ნინო გაგუა - საგრანტო პროგრამების მენეჯერი. შეხვედრები გაიმართა MIPAG-ის საგრანტო პროექტის ფარგლებში შემუშავებული კვლევითი პროგრამის Certified Public Policy Analyst-ის (CPPA) ლექტორებთან და კურსდამთავრებულებთან. შეხვედრებზე განიხილეს პროგრამის როგორც მიმდინარე საკითხები და შედეგები ისე სამომავლო თანამშრომლობის პერსპექტივები. პროგრამა CPPA ერთობლივად ხორციელდება თბილისის თავისუფალ, საქართველოს აგრარულ და ჩრდილოეთ ტეხასის უნივერსიტეტებს შორის თანამშრომლობის საფუძველზე - საქართველოში ამერიკის საელჩოს დაფინანსებით. პროექტის მიზანია საჯარო პოლიტიკის კვლევის გაუმჯობესება. კერძოდ, პროექტი მიზნად ისახავს საუნივერსიტეტო კვლევის ხარისხის გაუმჯობესებას საჯარო პოლიტიკის მიმართულებით, მისი მეშვეობით უნივერსიტეტის ინტეგრირებას სამოქალაქო საზოგადოებაში და უნივერსიტეტის ჩართულობის გაუმჯობესებას სახელმწიფო პოლიტიკის ფორმულირებაში.
05.03.2018
თავისუფალი და აგრარული უნივერსიტეტების ერთობლივი საბუნებისმეტყველო სადოქტორო პროგრამის სტუდენტები, თემურ ქანთარია და თენგიზ ქანთარია მიწვეულები იყვნენ პარიზში, საერთაშორისო კონფერენციაზე „EuroSciCon Conference on Chemistry 2018”. ვიზიტი დაფინანსებული იყო შოთა რუსთაველის ეროვნული სამეცნირო ფონდის მობილობისა და საერთაშორისო სამეცნიერო თანამშრომლობის საგრანტო კონკურსით. ძმებმა ქანთარიებმა წარადგინეს სასტენდო მოხსენებები (პოსტერები) საკუთარი სადისერტაციო კვლევების შესახებ. კონფერენციაზე თემურ ქანთარია დააჯილდოვეს „საუკეთესო პოსტერის ჯილდოთი“. ძმები ქანთარიები ასევე მიიწვიეს შემდეგ კონფერენციაზე, რომელიც 2019 წელს ჩეხეთის დედაქალაქ პრაღაში ჩატარდება.
05.03.2018
აგრარული უნივერსიტეტი აცხადებს რიგ-გარეშე მობილ
28.02.2018
საქართველოს აგრარული უნივერსიტეტს, ათასწლეულის
22.02.2018
საქართველოს აგრარული უნივერსიტეტის ქიმიის ტექნოლოგიური ლაბორატორია აღიჭურვა სამაგიდო ბირთვულ მაგნიტური რეზონანსული (ბმრ) სპექტროსკოპით: Magritek Spinsolve 60 Carbon. ბმრ სპექტროსკოპი შეძენილ იქნა ფოლკსვაგენის გრანტის "Novel Polymer Electrolyte Membranes for Fuel Cell Application" (Az: 93 331) ფარგლებში. აღნიშნული ხელსაწყო დღეის ინფორმაციით არის საქართველოში მოქმედი ერთადერთი ბმრ სპექტროსკოპი, ის გამოიყენება როგორც რუტინულ კვლევებში, ასევე სასწავლო პროცესში. Spinsolve 60 Carbon-ზე შესაძლებელია ჩატარდეს როგორც 1H, ასევე 13C და 19F ანალიზები.
09.02.2018
დღეიდან კამპუსის ბიბლიოთეკაში აგროპედიის კიოსკი დაიდგა, რომლით სარგებლობაც ნებისმიერ დაინტერესებულ პირს შეუძლია. აგროპედია არის აგრო-ექსტენციის სერვისების გავრცელების ინოვაციური მექანიზმი, რომელიც სოფლის მეურნეობით დაინტერესებულ პირებს აძლევს საშუალებას მარტივად მიიღონ საჭირო ინფორმაცია და სასწავლო-საკონსულტაციო მასალა სოფლის მეურნეობის სხვადასხვა დარგების შესახებ. აგროპედიას შექმნის მიზანს წარმოადგენს საქართველოს აგრო-საკონსულტაციო სექტორის განვითარების ხელშეწყობა და წვდომის გამარტივება აგრარული მეურნეობების მართვისათვის საჭირო ინფორმაციაზე. აგროპედია მოიცავს რაოდენობის ინფორმაციის ბანკს, აგრო-ბიბლიოთეკას, რომელიც მოთავსებულია კომპიუტერის მსგავს მოწყობილობაში. საჭირო ინფორმაციის მოძიება მომხმარებელს შეუძლია ეკრანზე ხელის შეხებით. აგროპედიაში ინფორმაციის განახლება ხდება მუდმივად. ამ ეტაპზე იგი მოიცავს 1500-ზე მეტ სტატიას სოფლის მეურნეობის შესახებ, თუმცა ახლო მომავალში სტატიების და მასალების მინიმალური ოდენობა 2000-ს გადააჭარბებს. ამჟამად აგროპედიას კიოსკში მომხმარებლებს შეუძლიათ გაეცნონ შემდეგი სახის მასალებს და პროფესიულ რეკომენდაციებს: სოფლის მეურნეობის სფეროში მიმდინარე სიახლეები. სასოფლო-სამეურნეო კულტურათა მოვლა-მოყვანის წესები. ბრძოლა კულტურათა მავნებელ-დაავადებების წინააღმდეგ – წამლობათა სქემები. მოსავლის აღება-შენახვა: წესები და რეკომენდაციები. ახალი და პერსპექტიული კულტურების წარმოების წესები და რეკომენდაციები. ვეტერინარია – შინაური პირუტყვის დაავადებები და მკურნალობის მეთოდები. მეცხოველეობა – შინაური პირუტყვის მოვლა და საკვებწარმოება. მეფუტკრეობა – ფუტკრის მოვლა და დაცვა მავნებელ-დაავადებებისაგან.
06.02.2018
ნიდერლანდების სამეფომ ჰააგაში სამთავრობო დონეზე მიიღო დამმტვერავების (ფუტკრების) ეროვნული სტრატეგია, რომელსაც ნიდერლანდების მთავრობის წარმომადგენლები და გარემოს დაცვის მინისტრი ესწრებოდნენ. პროცესში მოწვეული სტუმრების რანგში მონაწილეობა მიიღეს აგრარული უნივერსიტეტის პროფესორმა გიორგი ჯაფოშვილმა და დოქტორანტმა გიორგი კირკიტაძემ. სტუმრებმა მეორე დღეს ასევე მონაწილეობა მიიღეს Super-B -ს მიერ ორგანიზებულ ვორქშოფში, სადაც განხილულ იქნა ფუტკრების რიცხოვნობის შემცირების რისკები და მისი აღმოფხვრის გზები.
06.02.2018
ტელეკომპანია რუსთავი 2-ის ეთერში ახალი კულინარიული შოუ ჩემი სამზარეულოს წესები დასრულდა, რომლის გამარჯვებულიც ბენდუქიძის კულინარიის აკადემიის სტუდენტი, ლიზა რურუა გახდა. შოუში მონაწილეობდა ექვსი გუნდი. თითოეული გუნდი სხვა მონაწილეებისთვის და ჟიურის წევრებისთვის ამზადებდნენ ვახშამს და მათგან იღებდნენ შეფასებებს. შეგახსენებთ, რომ პირველ ქართულ კულინარიულ შოუში რესტორანი, რომელიც კულინარიის აკადემიის და ტაბულას ერთობლივი პროექტი იყო, გამარჯვებულები ასევე იყვნენ ბენდუქიძის კულინარიის აკადემიის სტუდენტები ირკა ქელეხსაშვილი და ნიკა მეტრეველი. ჩვენ ვამაყობთ ჩვენი სტუდენტების მიღწეული შედეგებით.
31.01.2018
თუ ხარ სკოლის მოსწავლე და გაინტერესებს ინჟინერი
26.01.2018
საქართველოს აგრარული უნივერსიტეტის ასისტენტ-პროფესორი და ქიმიისა და მოლეკულური ინჟინერიის ინსტიტუტის უფროსი მეცნიერ-თანამშრომელი სოფიო კობაური მიწვეული იყო მაიამიში (აშშ) ყოველწლიურ საერთაშორისო კონფერენციაზე “მე-19 საერთაშორისო კონფერენცია ბიოსამედიცინო და ფარმაცევტულ ინჟინერიაში” (ICBPE 2017), კონფერენციის სექციის თავჯდომარის რანგში. სოფიოს ვიზიტი დაფინანსებული იყო შოთა რუსთაველის ეროვნული სამეცნირო ფონდის მობილობისა და საერთაშორისო სამეცნიერო თანამშრომლობის საგრანტო კონკურსით. აღნიშნულ კონფერენციაზე სოფიო კობაურმა წარადგინა ზეპირი მოხსენება სათაურით: „ამინომჟავების საფუძველზე ახალი ბიოდეგრადირებადი ამფიფილური პოლიმერების და მათგან მიღებული მიცელების, როგორც წამლის მიმწოდებელი სისტემების, სინთეზი და კვლევა“. მოხსენება ეხებოდა ამინომჟავების საფუძველზე სინთეზირებულ ამფიფილურ პოლიმერებს, რომლებსაც უქვთ უნარი წარმოქმნან ნანონაწილაკები - მიცელები სხვადასხვა ბიოსამედიცინო გამოყენებისათვის, მათ შორის ჰიდროფობური წამლების სოლუბიზირებისათვის. კონფერენციაზე სოფიო კობაური დაჯილდოვდა „საუკეთესო პრეზენტაციის ჯილდოთი“ ("Best Presentation Award"). გარდა ამისა, იგი მიიწვიეს შემდეგ კონფერენციაზე (ასევე კონფერენციის ერთ-ერთი სექციის თავჯდომარედ), რომელიც ტარდება სან-ფრანცისკოში 2018 წლის 27-28 სექტემბერს.
24.01.2018

გვერდები