ENG GEO

Search form

სიახლეები

აგრარული უნივერსიტეტის გუნდის ზედიზედ მეორე გამარჯვება კრეათონში. „ჯორჯიან უოთერ ენდ ფაუერმა“ ტექნოპარკში კრეათონის გამარჯვებული გუნდები გამოავლინა. კონკურსი პირველად შარშან ჩატარდა და ორივეჯერ პირველი ადგილი აგრარული უნივერსიტეტის გუნდმა დაიკავა. კონკურსი 23 ივნისს დაიწყო და მასში მონაწილეობა სხვადასხვა უნივერსიტეტის სტუდენტებმა და კურსდამთავრებულებმა მიიღეს. ჟიურიმ ოთხი საუკეთესო, ინოვაციური იდეის მქონე გამარჯვებული გუნდი გამოავლინა და ფულადი პრემიით დააჯილდოვა. გამარჯვებულები კომპანიაში სტაჟირების პროგრამას გაივლიან, შემდგომი დასაქმების პერსპექტივით. ყველა სხვა მონაწილეს კი დიპლომი გადაეცემა. პირველ ადგილზე, საუკეთესო პროექტის ავტორი, აგრარული უნივერსიტეტის გუნდი - "გამბუზია" გავიდა, რომელიც ასევე წინა წლის კრეათონის გამარჯვებული გუნდია. ასევე, მესამე ადგილზე გავიდა აგრარული უნივერსიტეტის გუნდი "ფურიე". პირველი ადგილი - "გამბუზია" 1. მიქაელ გაგოშიძე 2. ერეკლე ლეჟავა 3. ერეკლე მატიაშვილი 4. დავით კორძაია მესამე ადგილი - "ფურიე" 1. ალექსანდრე კალანდაძე 2. დავით ხასია 3. გრიგოლ გრიშაშვილი 4. დიმიტრი გოდერძიშვილი
29.06.2017
თავისუფალი უნივერსიტეტის მათემატიკისა და კომპიუტერული მეცნიერებების სკოლის (MACS) პროფესორის ვახტანგ ჯანდიერის მონაწილეობით სამეცნიერო პროექტმა “მიზნობრივი კვლევებისა და განვითარების ინიციატივების“ კონკურსში გაიმარჯვა. პროექტის მუშაობაში ჩაერთვება MACS-ის ინჟინერიის მეორე კურსის სტუდენტი თორნიკე ონოფრიშვილი. ევროპის მხარის დაფინანსებით პროექტის ფარგლებში უნდა დაიწეროს სწრაფი რიცხვითი კოდი, რომლის საშუალებითაც შესწავლილი იქნება ფოტონური და პლაზმონური ნანოსტრუქტურები. პროექტის მთავარი მიზანია ოპტიკური ლოგიკური გეიტების განხორციელება ფოტონურ ნანოსტრუქტურებში.
29.06.2017
კახა ბენდუქიძის საუნივერსიტეტო კამპუსმა უმასპინძლა საერთაშორისო მე-16 კონფერენციას ბიოლოგიაში: უსაფრთხო პარაზიტების მიკრობული და ნემატოდური კონტროლი. კონფერენცია დაფუძნებულია ბიოლოგიური კონტროლის საერთაშორისო ორგანიზაციის (IOBC-WPRS) მიერ, რომელიც შექმნილია 1959 წელს. კონფერენციაში ყოველწლიურად მონაწილეობას იღებს ამ ორგანიზაციის როგორც წევრი, ისე არაწევრი 100-მდე ცნობილი მეცნიერი და მკვლევარი. საქართველომ აღნიშნულ სამეცნიერო ღონისძიებას პირველად უმასპინძლა. ის ჩატარდა საქართველოს პროფესიონალ ქიმიკოსთა ასოციაციისა და ბიოლოგიური კონტროლის საერთაშორისო ორგანიზაციის (IOBC-WPRS) ერთობლივი ორგანიზებით.
28.06.2017
აგრარული უნივერსიტეტის ბიოლოგიის საბაკალავრო პროგრამის მესამე კურსის სტუდენტი, ელენე ლოლიაშვილი Amgen Foundation-ის სტიპენდიანტი გახდა! სტიპენდიის ფარგლებში ელენე ივლისიდან ორი თვით პარიზის პასტერის ინსტიტუტში საზაფხულო სტაჟირებას გაივლის და ვირუსულოგიის ლაბორატორიაში სამეცნიერო კვლევით პროცესებში ჩაერთვება. ბოლო ერთი კვირა კი სტიპენდიანტები კემბრიჯში გაემგზავრებიან და საერთაშორისო სიმპოზიუმში მიიღებენ მონაწილეობას. Amgen Foundation-ის ​სტიპენდიამდე ელენე გაცვლითი პროგრამის ფარგლებში ერთი წლით უნგრეთში, ადგილობრივი მთავრობის სტიპენდიით პეჩის უნივერსიტეტში სწავლობდა.
26.06.2017
აგრარული უნივერსიტეტის ბიოლოგიის საბაკალავრო პროგრამის მეოთხე კურსის სტუდენტები მარიამ მუსერიძე და ანა ქურდაძე სწავლას მიუნხენის ლუდვიგ მაქსიმილიანის უნივერსიტეტის (Ludwig-Maximilian University of Munich ) ბიოლოგიის ორწლიან სამაგისტრო პროგორამაზე გააგრძელებენ. მარიამი და ანა აგრარული უნივერსიტეტის ბიოლოგიის საბაკალავრო პროგრამის პირველი ნაკადის სტუდენტები არიან და აქტიურად არიან ჩართულები აგრარული უნივერსიტეტის სამეცნიერო-კვლევით საქმიანობაში. მარიამი უჯრედული იმუნოლოგიის ლაბორატორიაში მუშაობს და სწავლობს დაბალი დოზის პოლიფენილების ზეგავლენას ღვიძლის სტეატოზის in vitro მოდელზე, ანა კი ცხოველთა მოლეკულური ბიოლოგიის ლაბორატორიაში ღეროვანი და თავის ტვინის უჯრედების ინტერფაზულ ბირთვებში ტელომერების სივრცულ განაწილებას იკვლევს.
26.06.2017
კახა ბენდუქიძის საუნივერსიტეტო კამპუსში სპეციალურად აგრარული უნივერსიტეტის აგრარულ და საბუნებისმეტყველო მეცნიერებების სკოლის სტუდენტებისთვის ჩატარდა აგრო დასაქმების ფორუმი. აგრარული უნივერსიტეტის ორგანიზებით მსგავსი ფორმატის დასაქმების ფორუმი კამპუსში პირველად გაიმართა. ფორუმის ფარგლებში გამოვლინდნენ და დაჯილდოვდნენ აგრარულ სფეროში მოღვაწე კომპანიები, რომლებმაც ყველაზე დიდი წვლილი შეიტანეს აგრარული უნივერსიტეტის სტუდენტების დასაქმებაში: ინვეტი, ლუდსახარში ზედაზენი, USAID-REAP და TIFLISKI VINI POGREB. სტანდარტულად, დასაქმების ფორუმი კამპუსში წელიწადში ორჯერ ტარდება და მასში თავისუფალი და აგრარული უნივერსიტეტების ყველა სტუდენტი მონაწილეობს.
22.06.2017
საქართველოს აგრარული უნივერსიტეტის მიხეილ საბაშვილის ნიადაგმცოდნეობის, აგროქიმიისა და მელიორაციის ინსტიტუტის ინიციატივით ჩატარდა მეექვსე სამეცნიერო რესპუბლიკური კონფერენცია, რომელიც მიეძღვნა საქართველოს მეცნიერების ეროვნული აკადემიის წევრ-კორესპონდენტის მიხეილ დარასელიას დაბადებიდან 115-ე წლისთავს.
22.06.2017
სექტემბერში "საქართველო-გერმანიის სამეცნიერო ხიდის" ფარგლებში იულიხის კვლევით ცენტრში (გერმანია) ჩატარდება ლექციების კურსი, პრაქტიკული მეცადინეობები და ლაბორატორიული ტრენინგები (Quali-Start-Up Science Lectures) საქართველოს მხრიდან მონაწილე კონსორციუმის წევრ 4 უნივერსიტეტიდან შერჩეული 20 სტუდენტისთვის. 8 ივნისს სტუდენტების შესარჩევი ინტერვიუების ჩასატარებლად კახა ბენდუქიძის საუნივერსიტეტო ​კამპუსს ეწვია იულიხის კვლევითი ცენტრის ჯგუფი ცხრა პროფესორის შემადგენლობით. 11 აპლიკანტიდან მათ მიერ შერჩეული იქნა აგრარული უნივერსიტეტის 5 სტუდენტი: დავით კორძაია, IV კურსი (ელექტრო-კომპ. ინჟ.) ანა სიხარულიძე, III კურსი (ელექტრო-კომპ. ინჟ.) ალექსანდრე კალანდაძე, III კურსი (ელექტრო-კომპ. ინჟ.) დიმიტრი გოდერძიშვილი, III კურსი (ელექტრო-კომპ. ინჟ.) ანა ქურდაძე, IV კურსი (ბიოლოგია) ლექციების კურსის ხანგრძლივობა იქნება 1 კვირა. ამასთანავე, ანა ქურდაძეს გადაეცა ჯილდოდ internship, რის საფუძველზეც ის დარჩება იულიხში დამატებით 4 კვირა და გაივლის ტრენინგებს ლაბორატორიებში. სტუდენტების ვიზიტი ფინანსდება გერმანული მხარისა და საქართველოს განათლების სამინისტროს მიერ.
19.06.2017

გვერდები