ENG GEO

Search form

სიახლეები

საქართველოს აგრარული უნივერსიტეტისა და თბილისის თავისუფალი უნივერსიტეტის ერთობლივი სადოქტორო პროგრამის „საბუნებისმეტყველო მეცნიერებები“ დოქტორანტმა, ქიმიისა და მოლეკულური ინჯინერიის ინსტიტუტის მეცნიერ–თანამშრომელმა თენგიზ ქანთარიამ მსოფლიო კონგრესში “ბუნებრივ ნაერთთა ფარმაკოლოგია და ქიმია“ (World Congress on Pharmacology & Chemistry of Natural Compounds, 09-11 October, 2017, Tbilisi, Georgia) გაიმარჯვა ნომინაციაში „საუკეთესე სასტენდო მოხსენება (პოსტერი)“ და დაჯილდოვდა სპეციალური სერტიფიკატით. დოქტორანტის მოხსენებაში სახელწოდებით „Synthesis of new 1,2,3-triazole cycles-containing biodegradable clicking polyesters for potential biomedical applications“ ასახული იყო სადოქტორო კვლევის უახლესი შედეგები. პროფ. რამაზ ქაცარავას ხელმძღვანელობით, ახალგაზრდა მკვლევარმა „კლიკ-ქიმიის“ გამოყენებით პირველად მიიღო ახალი ბიოდეგრადირებადი პოლიმერები, ე.წ. „კლიკ-პოლიესტერები“, რომლებიც პერსპექტიულია ბიოსამედიცინო გამოყენებისათვის ბიომასალების სახით.a
02.11.2017
სატყეო საქმის დოქტორანტი ბექა ბერძენიშვილი (ხელმძღვანელი პროფ. ნატო კობახიძე), რომელიც ამავდროულად თბილისის ბოტანიკური ბაღის თანამშრომელია, აგრარული უნივერსიტეტის ასოც. პროფესორ გიორგი ქავთარაძესთან ერთად იმყოფებოდა ბარსელონაში გამართულ საერთაშორისო კონფერენციაზე ERA-NET Sumforest Conference "Bridging research, policy and practice for sustainable forest management", სადაც წარადგინა თეზისი და პოსტერი, თემაზე ,,საქართველოს ენდემური მერქნიანი მცენარეების იდენტიფიკაციის პრობლემები". თეზისების და პოსტერების შერჩევა მოხდა საერთაშორისო კონკურსის გზით, მთლიანობაში გამოვლინდა 25 გამარჯვებული ახალგაზრდა მკვლევარი მსოფლიოს 10 ქვეყნიდან. კონფერენცია ორგანიზებული იყო ევროპის სატყეო ინსტიტუტის (EFI) მიერ, ევრო კავშირის დაფინანსებით განხორციელებული საერთაშორისო პროექტის დაკვნით ფაზაში (FP 7 ERA-NET project Sumforest), რომელიც ორიენტირებული იყო ტყის მდგრადი მართვის მიმართულებით კვლევების კოორდინაციაზე და შესაძლებლობების გაძლიერებაზე ევროპის, ასევე აღმოსავლეთ პარტიორობის ქვეყნებში. საქართველოდან პროექტის პარტნიორი იყო აგრარული უნივერსიტეტის ვასილ გულისაშვილის სატყეო ინსტიტუტი. www.sumforest.org
02.11.2017
საქართველოს აგრარულ უნივერსიტეტში, ვასილ გულისაშვილის სატყეო ინსტიტუტის ორგანიზებით, დაცული ტერიტორიების და ეროვნული სატყეო სააგენტოს მხარდაჭერით გაიმართა ღონისძიება მე-4 ევროპის ტყეების კვირეულის ფარგლებში. ღონისძიების ფარგლებში გაიმართა ინსტიტუტის ახალგაზრდა მკვლევარის მიერ მომზადებული ახალი პუბლიკაციების პრეზენტაცია (იხ. ბმული http://agruni.edu.ge/ge/node/1668), გაკეთდა სკოლის მოსწავლეების თემატური ნახატების გამოფენა, ასევე 30-მდე სკოლის მოსწავლისთვის მოეწყო ტური კამპუსში და პოპულარული-შემეცნებითი ლექციები. ღონისძიების დასასრულს მოსწავლეებისთვის გაიმართა სახალისო ვიქტორინა „იცით თუ არა?“, რის შემდეგაც ეროვნული სატყეო სააგენტოს მიერ თითოეულ მათგანს გადაეცათ ნორჩი მეტყევის სპეციალური სიგელი ღონისძიებაში მონაწილეობისთვის. „ევროპის ტყეების კვირეული“, რომელიც 2008 წლიდან იმართება გაეროს ეკონომიკური კომისიის, ტყისა და ტყის მრეწველობის კომიტეტის (COFFI) და სურსათისა და სოფლის მეურნეობის ორგანიზაციის (FAO) ევროპის სატყეო კომისიის (EFC) ორგანიზებით, მიზნად ისახავს ახალგაზრდა თაობაში ტყეების მნიშვნელობის შესახებ ცნობიერების ამაღლებას და მეტყევის პროფესიის პოპულარიზაციას. წელს გაიმართა რიგით მე-4 ღონისძიება სლოგანით ,,ტყეები ჩვენი საერთო სიკეთე“, რომელსაც საქართველო შეუერთდა პირველად (http://www.fao.org/about/meetings/european-forest-week/en/).
25.10.2017
კახა ბენდუქიძის საუნივერსიტეტო კამპუსში გაიმართა გერმანიის ფოლქსვაგენის VW-88504 სამწლიანი (01.02.2015-31.01.2018 წწ) საგრანტო პროექტის „სოფლების საერთო საძოვრების კოლექტიური გამოყენება და კონფლიქტები - პრობლემის შედარებითი კვლევები აზერბაიჯანსა და საქართველოში“ შედეგების წარდგენა (შემსრულებლები: საქართველოს აგრარული უნივერსიტეტი, გერმანიის გრაიფსვალდის უნივერსიტეტი და აზერბაიჯანის სასოფლლო-სამეურნეო უნივერსიტეტი, პროექტის საერთო ხელმძღვანელი - პროფ. ფოლკერ ბეკმანი, საქართველოს ჯგუფის ხელმძღვანელები - პროფ. ალექსანდრე დიდებულიძე და პროფ. თეო ურუშაძე). პროექტის ძირითადი შემსრულებლები იყვნენ უნივერსიტეტის დოქტორანტები მ.მერაბიშვილი, ზ.ბრეგვაძე და ბ.იმნაძე, რომლებიც უზრუნველყოფილნი იყნენ მაღალი სტიპენდიებით, აპარატურის შესაძენად და ხანგრძლივი საველე სამუშაოების ჩასატარებლად განკუთვნილი თანხებით. შეხვედრას ესწრებოდა 40-მდე მეცნიერი, სამინისტროებისა და არასამთავრობო ორგანიზაციების წარმომადგენელი, ფერმერი და სტუდენტი.
23.10.2017
მაგისტრატუის სამი სტუდენტი გერმანიაში გაემგზავრება. აგრარული უნივერსიტეტის საინჟინრო-ტექნოლოგიური სკოლის ელექტრო და კომპიუტერული ინჟინერიის მიმართულების მაგისტრატურის სტუდენტები - მიქაელ გაგოშიძე, ოთარ ჯავახიშვილი და დავით კორძაია 20 ოქტომბერს მიემგზავრებიან გერმანიის იულიხის კვლევითი ცენტრის ბირთვული ფიზიკის ინსტიტუტში ექსპერიმენტებში მონაწილეობის მისაღებად. ელექტრო და კომპიუტერული ინჟინერიის დეპარტამენტის ჯგუფი (ზაზა მეტრეველი, აკაკი ფაღავა, მიქაელ გაგოშიძე, ოთარი ჯავახიშვილი) არიან JEDI საერთაშორისო კოლაბორაციის წევრები და ჩართული არიან ამ თემატიკით მიმდინარე კვლევებში. მიქაელის და ოთარის მივლინება იულიხში რიგით მეოთხეა, ხოლო დავითი პირველად მიიღებს მონაწილეობას ექსპერიმენტულ კვლევებში. ვიზიტი სრულად ფინანსდება გერმანული მხარის მიერ.
11.10.2017
აგრარული უნივერსიტეტის სატყეო მიმართულების მაგისტრანტმა და ვ. გულისაშვილის სატყეო ინსტიტუტის ახალგაზრდა მეცნიერმა ლადო ბასილიძემ, რომელიც ამავდროულად მუშაობს არასამთავრობო ორგანიზაციაში - „სოფლად თემთა განვითარების სააგენტო (RCDA)”, ტყის არამერქნული რესურსების სპეციალისტის პოზიციაზე, ევროკავშირის სოფლის მეურნეობისა და სოფლის განვითარების პროგრამის (ENPARD) და ევროკავშირის მიერ დაფინანსებული პროექტის „სასოფლო-სამეურნეო კოოპერატივების განვითარების მხარდაჭერა საქართველოში“ ფარგლებში, დაამუშავა და გამოსცა პრაქტიკული სახელმძღვანელო ბროშურა: "ტყის არამერქნული პროდუქტებიდან შემოსავლების მიღების შესაძლებლობები". პუბლიკაცია წარმოადგენს სასოფლო თემებისთვის და სხვა დაინტერესებული საზოგადოებისთვის ტყის არამერქნული პროდუქტების საშუალებით დამატებითი შემოსავლის მიღების გზამკვლევს. მასში განხილულია ტყის ძირთადი ხილ-კენკროვანი არამერქნული პროდუქტების ბოტანიკური მახასიათებლები, გეოგრაფიული გავრცელება და მათი კომერციული გამოყენების შესაძლებლობები.
10.10.2017
5 ოქტომბერს კახა ბენდუქიძის საუნივერსიტეტო კამპუსში თავისუფალი და აგრარული უნივერსიტეტების სტუდენტებისთვის ტრადიციული Welcome Party ჩატარდა. საღამოზე თავისუფალი და აგრარული უნივერსიტეტების რექტორმა ვატო ლეჟავამ ადგილობრივ ოლიმპიადაში მიღწეული წარმატებისთვის და საერთაშირისო ოლიმპიადაში მინაწილეობისთვის, პირველკურსელები - გიორგი ბუთბაია, ირაკლი შალიბაშვილი, ალექსანდრე ფიჩხაძე, ელენე კრავიშვილი და ლუკა ხიზანიშვილი სასწავლო გრანტებით დააჯილდოვა. ასევე, კახა ბენდუქიძის ცოდნის ფონდისგან ერთწლიანი სასწავლო გრანტი გადაეცა თავისუფალი უნივერსიტეტის 8-ვე პროგრამის ყველაზე მაღალქულიან პირველკურსელს: ბიზნესის სკოლა - ლუკა ზაქარაშვილი, გიორგი კვენეტაძე; აზიისა და აფრიკის ინსტიტუტი - ანი შუბითიძე; სამართლის სკოლა - ალექსანდრე ბოჭორიშვილი; MACS პრორგამირება - დაჩი კურცხალია; MACS ინჟინერია - მირიან მირიანაშვილი; ფიზიკის სკოლა - მარიამ არუსტაშვილი; მართვისა და საზოგადოებრივ მეცნიერებათა სკოლა - მარიამ შანშაშვილი; VADS - ელიზავეტა ბოკერია. კერძო კომპანიებმა კი აგრარული უნივერსიტეტის მაღალქულიან სტუდენტებს სრულად დაუფინანსეს პირველი კურსის სწავლის საფასური: ეფეს საქართველო - ლუდსახარში ნატახტარის რჩეული გახდა საინჟინრო-ტექნოლოგიური სკოლის სტუდენტი - ჯაბა მარგალიტაშვილი. აჭარა ჯგუფი, ქართული სასტუმროების ბრენდმა, Rooms Hotels-მა სწავლა დაუფინანსა აგრარულ და საბუნებისმეტყველო მეცნიერებათა სკოლის სტუდენტს - ანა ნარინდოშვილს. საათებისა და აქსესუარების მაღაზიათა ქსელმა თაიმსმა საჩუქრები გადასცა - ლუკა ზაქარაშვილს, გიორგი კვეტენაძეს, მარიამ შანშაშვილს და ნინო ბერიშვილს. TBC ბანკმა სასწავლო გრანტი გადასცა აგრარული უნივერსიტეტის ბიზნესის ადმინისტრირების სკოლის სტუდენტს - ნინო ბერიშვილს და თავისუფალი უნივერსიტეტის ბიზნეს ადმინისტრირების სკოლის სტუდენტს - ხატია ჭალიძეს. ასევე, Price Waterhouse Coopers-მა სწავლა დაუფინანსა აგრარული უნივერსიტეტი ბიზნესის ადმინისტრირების სტუდენტს - მერაბ მახათაძეს. Welcome 2017 წარმოადგინა პროექტმა ვიცი-მ ჯეოსელისგან. შესაბამისად, მაღალქულიანი სტუდენტები ჯეოსალმეაც დააჯილდოვა. ახალი მოდელის iPhone მიიღეს დაჩი კურცხალიამ და ანა ნარინდოშვილმა. უნივერსიტეტების კანცლერმა, ალექსანდრე კაჭარავამ და სტუდენტებთან ურთირთობის კოორდინატორმა, შაკო თავაძემ სამასხოვრო პრიზებით დაჯილდოვეს საველე პრაქტიკის ფოტოკონკურსში გამარჯვებული სტუდენტები: საველე საქმიანობის ამსახველი ფოტო - ანა ნეფარიძე; ფოტო თავისუფალ თემაზე - მარია ანტონიანი; ჟიურის სიმპათია - ნანა ეჯიბია. Welcome Party-ზე დაუკრეს: Bedford Falls, არა-მ და აჩო შენგელიამ (SHNGL). საღამო მიყავდათ სტუდენტებს, რატი პერტიას და ლაიმა წურწუმიას. უნივერსიტეტების ადმინისტრაცია მადლობას უხდის ბიზნეს სექტორის წარმომადგენლებს თანამშრომლობისთვის და სტუდეტების თანადაფინანსებისთვის. #welcome2017 #freeuni #agruni
06.10.2017
შოთა რუსთაველის ეროვნული სამეცნიერი ფონდის მიერ 2017 წლის დოქტორანტურის საგანმანათლებლო პროგრამების საგრანტო კონკურსის შედეგების მიხედვით დაფინანსდა სამი დოქტორანტი: ქეთევნ გოგიძე - "ყაზბეგის მუნიციპალიტეტის ნიადაგის გენეტიკური თავისებურებანის შესწავლა". ხელმძღვანელი - თენგიზ ურუშაძე. ნინო თოდრია -"ჯავშნიანი ტკიპები, როგორც სტრესული ეკოსისტემების ინდიკატორები". ხელმძღვანელი - მაკა მურვანიძე. თინათინ ქაჩლიშვილი -"საფერავის ჯიშის ყურძნიდან გამოყოფილი სტილბენოიდური ნაერთების ლიპიდური მეტაბოლიზმის მარეგულირებელი მოქმედების შესწავლა ჰეპატოსტეატოზის in vitro მოდელზე". ხელმძღანელები - ნინა კულიკოვა, მარინა ბეჟუაშვილი.
04.10.2017
აგრარული უნივერსიტეტის ქიმიისა და მოლეკულური ინჟინერიის ინსტიტუტის ახალგაზრდა სამმა მეცნიერმა საერთაშორისო სამეცნიერო ღონისძიებების გრანტით დაფინანსების კონკურსში გაიმაჯრვა. სოფიო კობაური – PhD, ქიმიისა და მოლეკულური ინჟინერიის ინსტიტუტის უფროს მეცნიერ-თანამშრომელი, აგრარული უნივერსიტეტის ასისტენტ პროფესორი; თემურ ქანთარია – დოქტორანტი; თენგიზ ქანთარია – დოქტორანტი, ქიმიისა და მოლეკულური ინჟინერიის ინსტიტუტის მეცნიერ-თანამშრომელი. გრანტების ფარგლებში თითოეული მათგანი მიიღებს მონაწილეობას საზღვარგარეთ საერთაშორისო სამეცნიერო კონფერენციებში, სადაც ფართო საზოგადოებას წარუდგენენ საკუთარი კვლევების უახლეს შედეგებს.
03.10.2017
გია დვალმა, თავისუფალი უნივერსიტეტის გამორჩეულმა პროფესორმა, კახა ბენდუქიძის საუნივერსიტეტო კამპუსში, მორიგი საჯარო ლექცია ჩაატარა. ცნობილმა ფიზიკოსმა წარმოადგინა თემა - ფარული "ხიდები" სამყაროში. შეხვედრამ ტრადიციული ანშლაგით ჩაიარა და მას უპრეცენდენტოდ ბევრი, 700-ზე მეტი ადამიანი დაესწრო. ლექცია სამ საათს გაგრძელდა და მიწურულს, სტუმარმა ამომწურავად უპასუხა აუდიტორიის მიერ დასმულ შეკითხვებს.
29.09.2017

გვერდები