ENG GEO

Search form

სიახლეები

კახა ბენდუქიძის საუნივერსიტეტო კამპუსს საქმიანი ვიზიტის ფარგელებში ეწვივნენ ავსტრიის სატყეო ასოციაციის წარმომადგენლები. შეხვედრას ესწრებოდნენ აგრარული უნივერსიტეტის პროფესორები და მეტყევეობის მიმართულების სტუდენტები, რომლებმაც დამსწრე საზოგადოებას მიაწოდეს ინფორმაცია უნივერსიტეტისა და სასწავლო პროგრამების შესახებ და განიხილეს სამომავლო თანამშრომლობის შესაძლბელობები. სტუმრებმა დაათვალიერეს კამპუსი, სასწავლო და სამეცნიერო ლაბორატორიები, ბიბლიოთეკა და მუზეუმი.
08.09.2017
პირველად აგრარული უნივერსიტეტის ისტორიაში - საერთო რეიტინგში აგრუნი მეორეა და აბიტურიენტების მიერ ეროვნულ გამოცდებში მიღებული საშუალო ქულით ყველა დანარჩენ უნივერსიტეტს უსწრებს თავისუფალი უნივერსიტეტის შემდეგ. შეფასებისა და გამოცდების ეროვნული ცენტრის დღეს გამოქვეყნებული საბოლოო მონაცემების მიხედვით, უნივერსიტეტებს შორის კახა ბენდუქიძის უნივერსიტეტები უპირობო ლიდერები არიან: თავისუფალი უნივერსიტეტი პირველია (ეს უკვე ტრადიციულად) და აგრარული მეორე - საქართველოში არსებულ ყველა უმაღლეს სასწავლებელს შორის! აგრარული 5 წლის წინ, მანამ, სანამ კახა ბენდუქიძის ცოდნის ფონდი მრავალმილიონიან ინვესტიციას განახორციელებდა, რეიტინგში 30-ეულს მიღმა იყო. ცოდნის ფონდმა ქართულ საგანმანათლებლო პროექტებში ჯამში 50 მილიონ დოლარზე მეტი ინვესტიცია განახორციელა, დღესაც აგრძელებს ინვესტირებას და შედეგიც სახეზეა. საუკეთესო უნივერსიტეტების რეიტინგს უკვე ცოდნის ფონდის უნივერსიტეტები ლიდერობენ!
06.09.2017
აგრარული და თავისუფალი უნივერსიტეტები კვლავ საუკეთესოები არიან! აგრარულმა უნივერსიტეტმა განიმტკიცა პოზიცია ლიდერებში და მრავალპროფილურ უნივერსიტეტებს შორის მეორეა. თავისუფალი უნივერსიტეტი კი ისევ პირველია და რჩება უნივერსიტეტებს შორის უპირობო ლიდერად. ერთიანი ეროვნული გამოცდების შედეგების მიხედვით თავისუფალი უნივერსიტეტი ისევ ყველაზე სასურველი უმაღლესი სასწავლებელია მაღალქულიანი აბიტურიენტებისთვის. აგრარულის საშუალო ქულა, თავისუფალი უნივერსიტეტის მსგავსად, კიდევ უფრო მაღალია, წინა წლებთან შედარებით. ეს ის უნივერსიტეტია, 5 წლის წინ ასეთ რეიტინგში რომ არ იძებნებოდა, დღეს კი უკვე ბევრი წარმატებული კურსდამთავრებული ჰყავს. მადლობა ნდობისთვის, სწორი არჩევანისთვის და გილოცავთ! თქვენ ნამდვილად საუკეთესო უნივერსიტეტში მოხვდით! საუკეთესოები კი საუკეთესოს ირჩევენ
28.08.2017
საქართველოს აგრარული უნივერსიტეტი აცხადებს მიღებას მოკლევადიან პროფესიულ პროგრამაზე - სერტიფიცირებული აგრობიზნესის სპეციალისტი. პროგრამის ფარგლებში მსმენელები შეისწავლიან ძირითად საკითხებს და იმუშავებენ სხვადასხვა პროექტებზე. პროგრამა ჩატარდება ანასეულში, კახა ბენდუქიძის საუნივერსიტეტო კამპუსის დასავლეთ საქართველოს ცენტრში. პროგრამის ფარგლებში სტუდენტები გაივლიან შემდეგ მოდულებს: ○ აგრობიზნესის ადმინისტრირება ○ სასოფლო-სამეურნეო კულტურების აგროტექნოლოგია ○ ბოსტნეული და ბაღჩეული კულტურების გაშენება და მოვლა ○ კომპიუტერული უნარები ○ საწარმოო პრაქტიკა
23.08.2017
საქართველოს აგრარული უნივერსიტეტი აცხადებს მიღებას პროფესიულ პროგრამაზე - სერტიფიცირებული აგრობიზნესის მენეჯერი. პროგრამის ფარგლებში მსმენელები შეისწავლიან ძირითად საკითხებს და იმუშავებენ სხვადასხვა პროექტებზე. მოდულების ჩამონათვალი პროგრამის ფარგლებში სტუდენტები გაივლიან შემდეგ მოდულებს: აგრობიზნესის ადმინისტრირება (მენეჯმენტი, მარკეტინგი, გადასახადები, ფინანსები, ბიუჯეტირება, ბიზნეს-გეგმა) სასოფლო-სამეურნეო კულტურების აგროტექნოლოგია ხეხილოვანი კულტურების გაშენება და მოვლა ბოსტნეული და ბაღჩეული კულტურების გაშენება და მოვლა სასოფლო-სამეურნეო კულტურების მოსავლის აღება-შენახვის ტექნოლოგია აგრომექანიზაცია საწარმო პრაქტიკა კომპიუტერული უნარები სერტიფიკატი პროგრამის გავლის შემდეგ კურსდამთავრებულები მიიღებენ საქართველოს აგრარული უნივერსიტეტის სერტიფიკატს - სერტიფიცირებული აგრობიზნესის მენეჯერი (Certified Agribusiness Manager). სერტიფიკატის მისაღებად საჭიროა გავლილ მოდულებში დადებითი შეფასების მიღება.
21.08.2017
საქართველოს აგრარული უნივერსიტეტი აცხადებს მიღებას პროფესიულ პროგრამაზე ვეტერინარიაში. პროგრამა შემუშავებულია ვახენინგენის უნივერსიტეტის (Wageningen University and Research) საერთაშორისო ექსპერტებთან ერთად. პროგრამის ფარგლებში მსმენელები შეისწავლიან ვეტერინარიის ძირითად საკითხებს და იმუშავებენ სხვადასხვა პროექტებზე. მოდულების ჩამონათვალი პროგრამის ფარგლებში სტუდენტები გაივლიან შემდეგ მოდულებს: • ცხოველთა ბიოლოგიური თავისებურებები • ცხოველთა არაგადამდები დაავადებების დიაგნოსტიკა და მკურნალობა • ცხოველთა გადამდები დაავადებების დიაგნოსტიკა, პროფილაქტიკა და მკურნალობა • შინაური ბინადარი ცხოველების (ძაღლი და კატა) დაავადებების დიაგნოსტიკა და მკურნალობა • ვეტერინარული ქირურგია • ფარმაკოლოგია • პირველადი გადაუდებელი ვეტერინარული დახმარება და კრიტიკული მდგომარეობის მართვა • მეანობა და გინეკოლოგია • კომპიუტერული უნარები • საწარმოო პრაქტიკა სერტიფიკატი პროგრამის წარმატების დასრულების შემთხვევაში კურსდამთავრებულები მიიღებენ საქართველოს აგრარული უნივერსიტეტის სერტიფიკატს - სერტიფიცირებული ვეტერინარი ტექნიკოსი (Certified Veterinary Technician). საქართველოს კანონმდებლობის თანახმად, ვეტერინარი ტექნიკოსი არის პირი, რომელსაც აქვს შესაბამისი პროფესიული დიპლომი ან სერტიფიკატი. სერტიფიკატის მისაღებად საჭიროა გავლილ მოდულებში დადებითი შეფასების მიღება. პროგრამა განკუთვნილია • მოქმედი ვეტერინარებისათვის, რომლებსაც სურთ საკუთარი ცოდნის განახლება და პრაქტიკული უნარების გაუმჯობესება • სხვადასხვა სპეციალობის მქონე პირთათვის, რომლებსაც სურვილი აქვთ მიიღონ კვალიფიკაცია ვეტერინარიაში • ნებისმიერი პირისათვის 16 წლიდან პროგრამის ხანგრძლივობა პროგრამის ხანგრძლივობა შეადგენს 9 თვეს.
16.08.2017
საქართველოს აგრარული უნივერსიტეტს, ათასწლეული
15.08.2017

გვერდები