ENG GEO

Search form

Highlight

საქართველოს აგრარული უნივერსიტეტის ასისტენტ-პროფესორი და ქიმიისა და მოლეკულური ინჟინერიის ინსტიტუტის უფროსი მეცნიერ-თანამშრომელი სოფიო კობაური მიწვეული იყო მაიამიში (აშშ) ყოველწლიურ საერთაშორისო კონფერენციაზე “მე-19 საერთაშორისო კონფერენცია ბიოსამედიცინო და ფარმაცევტულ ინჟინერიაში” (ICBPE 2017), კონფერენციის სექციის თავჯდომარის რანგში. სოფიოს ვიზიტი დაფინანსებული იყო შოთა რუსთაველის ეროვნული სამეცნირო ფონდის მობილობისა და საერთაშორისო სამეცნიერო თანამშრომლობის საგრანტო კონკურსით. აღნიშნულ კონფერენციაზე სოფიო კობაურმა წარადგინა ზეპირი მოხსენება სათაურით: „ამინომჟავების საფუძველზე ახალი ბიოდეგრადირებადი ამფიფილური პოლიმერების და მათგან მიღებული მიცელების, როგორც წამლის მიმწოდებელი სისტემების, სინთეზი და კვლევა“. მოხსენება ეხებოდა ამინომჟავების საფუძველზე სინთეზირებულ ამფიფილურ პოლიმერებს, რომლებსაც უქვთ უნარი წარმოქმნან ნანონაწილაკები - მიცელები სხვადასხვა ბიოსამედიცინო გამოყენებისათვის, მათ შორის ჰიდროფობური წამლების სოლუბიზირებისათვის. კონფერენციაზე სოფიო კობაური დაჯილდოვდა „საუკეთესო პრეზენტაციის ჯილდოთი“ ("Best Presentation Award"). გარდა ამისა, იგი მიიწვიეს შემდეგ კონფერენციაზე (ასევე კონფერენციის ერთ-ერთი სექციის თავჯდომარედ), რომელიც ტარდება სან-ფრანცისკოში 2018 წლის 27-28 სექტემბერს.
24.01.2018
აგრარული უნივერსიტეტის სტუდენტის, ანი ციციშვილის (Ani Tsitsishvili) ბაქტერიებით შესრულებული ნახატი ყველაზე პოპულარული სამეცნიერო გამოცემის The Scientist-ის 2017 წლის ყველაზე პოპულარული ფოტო გახდა. ნახატი შექმნილია Brain-heart infusion agar-ზე, Staphylococcus epidermidis - მიკრობი, რომელიც კანის ბუნებრივი ფლორაა, ქმნის თეთრ ფერს. Rhodotorula mucilaginosa - რომელიც ხშირია ჰაერში და მიწაში წარმოქმნის წითელს და ვარდისფერს. Micrococcus luteus - გვხვდება წყალში, ჰერში, მიწაში, კანზე და პასუხისმგებელია გოგონას თმის ყვითელ ფერზე. Xanthomonas axonopodis - მიკრობია რომელიც წარმოქმნის მწვანე ფერს. დანარჩენი ფერები ნახატზე არის ამ მიკრობული მასების ნარევი. იხილეთ ფოტო ვებ გვერდზე: https://goo.gl/T765Vc იხილეთ ფოტო ფბზე: https://goo.gl/d3vgwi
05.01.2018
კახა ბენდუქიძის საუნივერსიტეტო კამპუსში აგრარული უნივერსიტეტის კურსდამთავრებულთა დიპლომების გადაცემის ცერემონია გაიმართა. კურსდამთავრებულებს სიტყვით მიმართეს ცოდნის ფონდის დირექტორმა, ანასტასია ბენდუქიძემ, პრორექტორებმა - მარინა ქარჩავამ და ნათია სამუშიამ და რექტორმა - ვახტანგ ლეჟავამ. ცერემონიის მოწვეული სპიკერი საქართველოს ბანკის გენერალური დირექტორი - კახა კიკნაველიძე იყო. https://www.facebook.com/pg/AgrUni/photos/?tab=album&album_id=1539834579...
29.12.2017
საქართველოს აგრარული უნივერსიტეტის  ბოტანიკის
28.12.2017
აგრარული უნივერსიტეტის მებაღეობაში პროფესიული პროგრამის მიზანია მსმენელმა თეორიულ ცოდნასთან ერთად პრაქტიკული უნარები შეიძინოს, რათა მან შეძლოს გახდეს კვალიფიციური სპეციალისტი. პროგრამა განკუთვნილია მოქმედი მებაღეებისათვის. ლექციებს წაიკითხავენ აგრარული უნივერსიტეტის ლექტორები და ზურა შევარდნაძე. საგნების ჩამონათვალი: 1. ლანდშაფტის დიზაინი 2. დეკორატიულ მცენარეთა მავნებელ-დაავადებები 3. ნიადაგმცოდნეობა 4. აგროქიმია სერტიფიკატი პროგრამის გავლის შემდეგ კურსდამთავრებულები მიიღებენ აგრარული უნივერსიტეტისა და გარდენიას ერთობლივ სერტიფიკატს. სერტიფიკატის მისაღებად საჭიროა მსმენელმა თითოეულ საგანში დადებითი შეფასება მიიღოს. პროგრამისხანგრძლივობადაგრაფიკი პროგრამის ხანგრძლივობა შეადგენს 6 კვირას. ლექციები ტარდება კვირაში სამჯერ: სამუშაო დღეებში (ორჯერ) - 19:00 - 21:10 შაბათს 10:00 – 14:40 პროგრამისღირებულება: პროგრამის სწავლის საფასური – 600 ლარი. სწავლის საფასურის ნახევარი მსმენელმა უნდა დაფაროს სწავლის დაწყებამდე 5 დღით ადრე, ხოლო მეორე ნახევარი სწავლის დაწყებიდან 3 კვირის განმავლობაში. პროგრამის გასავლელად უნდა შეავსოთ სარეგისტრაციოფორმა: https://docs.google.com/forms/d/e/1FAIpQLSfr2IjpQCJruaQZ37zUqyR55Jiwg3B8... სწავლის დაწყებისთარიღი: 9 იანვარი, 2018 საკონტაქტოპირი: თემო გაბეჩავა ელ. ფოსტა: t.gabechava@agruni.edu.ge მობ: 577 453 945
25.12.2017
საქართველოს ნიადაგმცდონეთა საზოგადოებისა და მიხ
22.12.2017
კახა ბენდუქიძის საუნივერსიტეტო კამპუსში გაიმართა მეექვსე რესპუბლიკური კონფერენცია ნიადაგმცოდნეობაში, აგროქიმიასა და მელიორაციში, რომელიც ეძღვნებოდა გამოჩენილი მეცნიერის, პედაგოგისა და საზოგადო მოღვაწის, საქართველოს სოფლის მეურნეობის მეცნიერებათა აკადემიის აკადემიკოსის, პროფესორ ივანე სარიშვილის დაბადებიდან 105 წლისთავს. საქართველოს ნიადაგმცოდნეთა საზოგადოებისა და მიხეილ საბაშვილის ნიადაგმცოდნეობის, აგროქიმიისა და მელიორაციის ინსტიტუტის ორგანიზებით კი კამპუსში ჩატარდა ნიადაგის საერთაშორისო დღისადმი მიძღვნილი ღონისძიება, რომელშიც სკოლის მოსწავლეები და სტუდენტები მონაწილეობდნენ.
11.12.2017
კახა ბენდუქიძის საუნივერსიტეტო კამპუსში, საქართველოს აგრარული უნივერსიტეტის სატყეო საქმის მიმართულების და ჩეხეთის ბრნოს მენდელის სახელობის უნივერსიტეტის ორგანიზებითა და ჩეხეთის განვითარების ფონდის მხარდაჭერით, გაიმართა რეგიონალური კონფერენცია „ტყის მართვა და ბუნების კონსერვაცია საქართველოში“(Forest management and Nature Conservation in Georgia). კონფერენციაში მონაწილეობდნენ ქართველი და ჩეხი პროფესორები, მეცნიერები, საქართველოს გარემოს დაცვისა და ბუნებრივი რესურსების სატყეო სააგენტოს და დაცული დაცული ტერიტორიების ექსპერტები და სატყეო საქმის სპეციალობის სტუდენტები. კონფერენციაზე განიხილეს დაცულ ტერიტორიებზე ტყის მართვის საკითხები, ბუნების კონცერვაციის საკითხები საქართველოში, ტყის ეკოსისტემებში არსებული პრობლემები და მათი გადაჭრის შესაძლებლობები.
27.11.2017

გვერდები