ბარბარე ქურციკიძე ბუქარესტში გაივლის ESAVS-ის პროგრამას

18 დეკემბერი 2025

ბარბარე ქურციკიძე აპრილში ბუქარესტში გაივლის European School of Advanced Veterinary Studies-ის (ESAVS) რბილი ქსოვილების ქირურგიის საერთაშორისო აკრედიტებულ პროგრამას.

ბარბარე Veterinarium-ის თერაპევტი და სტომატოლოგია, თუმცა დიდი ხანია სურს შეისწავლოს რბილი ქსოვილების ქირურგია. სწორედ ამიტომ, ის ხშირად ასისტირებას უწევდა ქირურგს, აკვირდებოდა და სწავლობდა.
რადგან ჩვენთვის მნიშვნელოვანია ჩვენი თანამშრომლების განვითარება მათი ინდივიდუალური ინტერესების გათვალისწინებით, კახა ბენდუქიძის ცოდნის ფონდი დააფინანსებს ბარბარეს გადამზადებას ESAVS-ის ქირურგიის საერთაშორისო პროგრამით.

ESAVS-ის სერტიფიცირებული და სამაგისტრო პროგრამები მოიცავს უახლეს სასწავლო კურსებს ვეტერინარულ კლინიკურ დისციპლინებში. სწავლება დაფუძნებულია ინტენსიურ თეორიულ და პრაქტიკულ მეცადინეობებზე, გამოცდებსა და კლინიკურ პრობლემებზე ორიენტირებულ მიდგომაზე. პროგრამები ტარდება ევროპის წამყვან უნივერსიტეტებსა და კლინიკებთან თანამშრომლობით დაახლოებით 20 ქვეყანაში.

ESAVS-ის პროგრამები აკრედიტებულია ATF-ის (Akademie für tierärztliche Fortbildung) მიერ, რომელიც გერმანიის ვეტერინართა ფედერალური პალატის (Bundestierärztekammer - BTK) ფარგლებში მოქმედებს. ეს აკრედიტაცია შეესაბამება ამერიკის ვეტერინარული უწყვეტი განათლების რეესტრის (RACE), დიდი ბრიტანეთის ვეტერინარ ქირურგთა სამეფო კოლეჯიის (RCVS) და ირლანდიის ვეტერინართა საბჭოს (VCI) მოთხოვნებს.

პროგრამის შესახებ მეტი ინფორმაცია შეგიძლიათ ნახოთ ლინკზე.