პროფესიული პროგრამა მევენახეობა-მეღვინეობაში

აგრარული უნივერსიტეტის მეღვინეობის აკადემია აცხადებს მიღებას მევენახეობა-მეღვინეობის პროფესიულ პროგრამაზე. პროგრამა შემუშავებულია ვახენინგენის უნივერსიტეტის (Wageningen University and Research) საერთაშორისო ექსპერტებთან ერთად.

პროგრამის ფარგლებში სტუდენტები შეისწავლიან მევენახეობა-მეღვინეობის ძირითად საკითხებს და მონაწილეობას მიიღებენ აგრარული უნივერსიტეტის ღვინის ფესტივალში.

მოდულების ჩამონათვალი

• მევენახეობის ბიოლოგიურ-სამეურნეო საფუძვლები
• ნიადაგი და ნიადაგის მოვლა
• ვაზის მავნებლებსა და დაავადებებთან ბრძოლა
• ვენახის გაშენება და მოვლა
• ყურძნის გადამუშავება და ვინიფიკაცია
• ღვინის დამუშავების  ქიმიური და   მიკრობიოლოგიური  საფუძვლები
• ღვინის მოვლა
• ღვინის მარკეტინგი და ხარისხის მენეჯმენტი
• ღვინის ტექნოლოგიური დამუშავება და ჩამოსხმა
• ღვინის დეგუსტაცია
• კომპიუტერული უნარები 

სერტიფიკატი

პროგრამის წარმატებით დასრულების შემთხვევაში კურსდამთავრებულები მიიღებენ საქართველოს აგრარული უნივერსიტეტის სერტიფიკატს - სერტიფიცირებული მევენახე-მეღვინე (Cerified Viticulturist-Oenologist).

სერტიფიკატის მისაღებად საჭიროა თითოეულ მოდულში დადებითი შეფასების მიღება.

პროგრამა განკუთვნილია

• მოქმედი მევენახე-მეღვინეებისათვის, რომლებსაც სურთ საკუთარი ცოდნის განახლება და პრაქტიკული უნარების გაუმჯობესება
• სხვადასხვა სპეციალობის მქონე პირთათვის, რომლებსაც სურვილი აქვთ მიიღონ კვალიფიკაცია მევენახეობა¬-მეღვინეობაში 
• ნებისმიერი პირისათვის 16 წლიდან

პროგრამის ხანგრძლივობა

პროგრამის ხანგრძლივობა შეადგენს 10 თვეს.

პროგრამის ღირებულება

პროგრამის სწავლის საფასური შეადგენს 2 450 ლარს. შესაძლებელია სწავლის საფასურის ყოველთვიური გადახდა (თვეში - 245 ლარი).

რეგისტრაცია

პროგრამაზე დარეგისტრირებისათვის შეგიძლიათ შეავსოთ სარეგისტრაციო ფორმა.

რეგისტრაცია გრძელდება აგვისტოს ჩათვლით.

სწავლის დაწყების პერიოდი: ოქტომბერი.

პროგრამას ახორციელებს საქართველოს აგრარული უნივერსიტეტი "ათასწლეულის გამოწვევის ფონდი - საქართველოს" (MCA-G) საგრანტო პროგრამის "პროფესიული განათლება ეკონომიკის განვითარებისთვის" პროექტის ფარგლებში.

პროექტის ფარგლებში მნიშვნელოვანი ინვესტიციები განხორციელდა შესაბამისი სასწავლო ინფრასტრუქტურის მოწყობის და ლაბორატორიების აღჭურვილობის განახლების მიზნით. სრულად განახლდა და აღიჭურვა საქართველოს აგრარული უნივერსიტეტის მევენახეობა-მეღვინეობის აკადემია და ღვინის ტრადიციული მარანი. ასევე, თანამედროვე მოწყობილობებით აღიჭურვა მევენახეობა-მეღვინეობის 4 სასწავლო ლაბორატორია, სადაც პროგრამის სტუდენტებს შესაძლებლობა ექნებათ გაიუმჯობესონ პრაქტიკული უნარები.

საკონტაქტო ინფორმაცია:

მერი გოგოლაძე

ელ. ფოსტა: m.gogoladze@agruni.edu.ge

მობ: 555 16 72 15