ENG GEO

Search form

პროფესიული პროგრამა აგრობიზნესის მენეჯმენტში


საქართველოს აგრარული უნივერსიტეტი აცხადებს მიღებას პროფესიულ პროგრამაზე - სერტიფიცირებული აგრობიზნესის მენეჯერი

საქართველოს აგრარული უნივერსიტეტი აცხადებს მიღებას პროფესიულ პროგრამაზე - სერტიფიცირებული აგრობიზნესის მენეჯერი.

პროგრამა შემუშავებულია ვახენინგენის უნივერსიტეტის (Wageningen University and Research) საერთაშორისო ექსპერტებთან ერთად.

პროგრამის ფარგლებში სტუდენტები შეისწავლიან ძირითად საკითხებს აგრობიზნესის მენეჯმენტის მიმართულებით და იმუშავებენ სხვდასხვა პროექტზე.

პროგრამის ფარგლებში სტუდენტები გაივლიან შემდეგ მოდულებს:

  • აგრობიზნესის ადმინისტრირება (მენეჯმენტი, მარკეტინგი, გადასახადები, ფინანსები, ბიუჯეტირება, ბიზნეს-გეგმა)
  • სასოფლო-სამეურნეო კულტურების აგროტექნოლოგია
  • ხეხილოვანი კულტურების გაშენება და მოვლა
  • კომპიუტერული უნარები

სერტიფიკატი

პროგრამის გავლის შემდეგ კურსდამთავრებულები მიიღებენ საქართველოს აგრარული უნივერსიტეტის სერტიფიკატს - სერტიფიცირებული აგრობიზნესის მენეჯერი (Certified Agribusiness Manager). სერტიფიკატის მისაღებად საჭიროა გავლილ მოდულებში დადებითი შეფასების მიღება.

პროგრამა განკუთვნილია ნებისმიერი პირისათვის 16 წლიდან, რომელთაც სურთ ცოდნის მიღება ან განახლება აგრობიზნესის მენეჯმენტის მიმართულებით.

პროგრამის ღირებულება: 1,400 ლარი. შესაძლებელია სწავლის საფასურის ყოველთვიური გადახდა (თვეში - 350 ლარი).

პროგრამის ხანგრძლივობა: 4 თვე (16 კვირა).

რეგისტრაცია: პროგრამაზე დარეგისტრირებისათვის შეგიძლიათ დაგვიკავშირდეთ ნომერზე 577 453 945 ან შეავსოთ სარეგისტრაციო ფორმა.

რეგისტრაცია გრძელდება 2018 წლის პირველ ნოემბრამდე.

სწავლის დაწყების პერიოდი: 2018 წლის ნოემბერი.

სწავლის დაწყებიდან პირველი 5 კვირა ლექციები ჩატარდება კვირაში 3 დღე (შაბათის ჩათვლით), ხოლო დარჩენილი 11 კვირა - კვირაში 2 დღე (შაბათის ჩათვლით)

პროგრამას ახორციელებს საქართველოს აგრარული უნივერსიტეტი "ათასწლეულის გამოწვევის ფონდი - საქართველოს" (MCA-G) საგრანტო პროგრამის "პროფესიული განათლება ეკონომიკის განვითარებისთვის" პროექტის ფარგლებში.

Send notification via e-mail: 
Send notification via e-mail