კვების პროდუქტების ტექნოლოგიის ლაბორატორია

ლაბორატორიის მისიაა სოფლის მეურნეობის ნედლეულის შენახვისა და გადამუშავების ძირითადი ბიოქიმიური და ტექნოლოგიური პროცესების   კვლევა; ამ დარგში თანამედროვე ინოვაციური მეთოდების გაცნობა/შესწავლა და ადგილობრივ პროდუქციაზე ადაპტაცია; სამეცნიერო პროექტების წარდგენა საფინანსო ორგანიზაციებში დაფინანსების მოსაპოვებლად; მეწარმეების საპროექტო-ტექნიკური მომსახურება;  ბაკალავრებისა და მაგისტრების ჩართვა სამეცნიერო კვლევებში; დოქტორანტების მომზადება; სამეცნიერო პუბლიკაციებისა და საკონფერენციო მოხსენებების მომზადება. ლაბორატორიის კვლევების ძირითად მიმართულებას წარმოადგენს:

• საჭმლის ბიოლოგიურად აქტიური ნაერთების (პოლიფენოლები, პექტინები) კვლევა
• კვების ახალი პროდუქტების (ფუნქციონალური საჭმელები და სასმელები) შექმნა და განვითარება
• ხილისა და ბოსტნეულის შენახვის ტექნოლოგია

კვლევის შედეგები, თემის პრიორიტეტულობა სამომავლო გეგმები:

• შემუშავებულია ახალი ტიპის ფუნქციონალური საკვების წარმოების საფუძვლები შშმ პირთათვის და კენკროვანი და კურკოვანი ხილის შენახვის ინოვაციური მეთოდები.
• დადგენილია ქართული ღვინისა და ჩაის ანტილიპაზური და ანტისიმსივნური აქტივობა, რაც საფუძველს იძლევა მომავალში ამ პროდუქტებისაგან ჭარბი წონის და სიმსივნის საწინააღმდეგო ფუნციონალური დანიშნულების სასმელების წარმოებისათვის.

კოლაბორაცია უცხოურ უნივერსიტეტებთან:

• Prof. Louise Wicker – University of Georgia (USA)
• Dr. Sophia Zaletok, Institute of pathology, radiobiology and oncology of NAS of Ukraine
• Prof. Roger FitzGerald, University of Limerick, Limerick, Ireland