მიმდინარე კვლევები - მოლეკულური გენეტიკის ინსტიტუტი
კვლევის სახელწოდება: საქართველოში გავრცელებული ძროხის, ცხვრის, თხის და ღორის ადგილობრივი ჯიშების გენეტიკური მრავალფეროვნების შესწავლა მიტოქონდრიული დნმ-ის ნუკლეოტიდური თანმიმდევრობების საფუძველზე.
- მონაწილეები: ვაჟა ტაბიძე, მარი გოგნიაშვილი, ნანა კუნელაური, თენგიზ ბერიძე, გივი ბასილაძე
- ვადები: 2018 - 2020
- მოკლე ანოტაცია: საქართველოს სოციალურ – ეკონომიკურ ცხოვრებაში მეცხოველეობას უძველესი დროიდან წამყვანი ადგილი ეკავა. მსოფლიოს ისტორიოგრაფების მიერ აღიარებული სასოფლო–სამეურნეო და შინაურ ცხოველთა მოშინაურების კერებიდან ერთ–ერთი სამხრეთ–დასავლეთ აზიაა, რომლის საზღვრებში შედის პრეისტორიულ ხანაში ქართველური ტომების განსახლების არეალი.უკანასკნელი ათწლეულების მანძილზე დნმ-ის ანალიზზე დამყარებული ცოცხალ ორგანიზმთა სისტემატიკის შემსწავლელი მრავალი მეთოდი იქნა შემუშავებული. ამ თვალსაზრისით მიტოქონდრიული დნმ-ის სეკვენირება ფილოგენეტიკური კვლევებში მეტად ეფექტურ მიდგომას წარმოადგენს.მიტოქონდრიული დნმ-ის თანმიმდევრობათა შედარებითი შესწავლის მეთოდი წარმატებით იქნა გამოყენებული ცოცხალ ორგანიზმთა დომესტიკაციის პროცესების შესასწავლად, რის შედეგადაც შესასწავლ ორგანიზმებში სხვადასხვა ჯგუფებისა და განსხვავებული ჰაპლოტიპების არსებობა იქნა დაფიქსირებული. წარმოდგენილი პროექტის მიზანია მიტოქონდრიულ დნმ-ის ანალიზის დახმარებით საქართველოში გავრცელებული ძროხის, ცხვრის, თხის და ღორის ადგილობრივი ჯიშების ფილოგენეტიკური ანალიზის ჩატარება. პოპულაციურ გენეტიკური კვლევა საქართველოში გავრცელებული ადგილობრივი ჯიშების წარმომავლობის დადგენის მიზნით დღემდე საქართველოში ჩატარებული არ ყოფილა. მიტოქონდრიულიდნმ-ის თანმიმდევრობათა ვარიაციების შესწავლა ადგილობრივი ჯიშების სხვადასხვა ჯგუფთა შორის არსებული ევოლუციური პროცესის გზების გარკვევას შეუწყობს ხელს. შედარებულ იქნება რა ევროპული ქვეყნების სხვადასხვა პოპულაციების შესახებ უკვე არსებულ მონაცემებთან, მიღებული შედეგები მათი წარმომავლობის გზების დასადგენად იქნება გამოყენებული.
- კვლევის სახელწოდება: პლაზმონების გენეტიკური მრავალფეროვნების შესწავლა ქართულ ენდემურ ხორბლებში
- მონაწილეები: მარი გოგნიაშვილი, თენგიზ ბერიძე
- ვადები: 2018-2020
- მოკლე ანოტაცია: ჰექსაპლოიდური ხორბალი (Triticum aestivum L., გენომი AABBDD) წარმოიშვა სამხრეთ კავკასიაში კულტურული ხორბალის ემერის (T. dicoccum (გენომი AABB)) ალოპოლიპლოიდიზაციით კავკასიურ Ae. tauschii ssp strangulata-სთან(გენომი DD). Ae. tauschii-ს გენეტიკური მრავალფეროვნება არის მნიშვნელოვანი ბუნებრივი რესურსი, შესაბამისად აუცილებელია იმის გარკვევა, თუ როგორ მოხდა ამ მრავალფეროვნების ფორმირება Ae. tauschii-ს ევოლუციის პროცესში და როგორ არის ის წარმოდგენილი სახეობის ფარგლებში. სამი ტიპის პლაზმონი გვხვდება გვარ Triticum - ში - A, B და G. პლაზმონი A აღწერილია T. monococcum L. - ში, G - ტრიტიკუმის ჯგუფ Timopheevi - ში. პლაზმონი B დეტექტირებულია პოლიპლოიდურ სახეობებში - გვარი Triticum - ისEmmer - ისა დაCommon - ის ჯგუფებში: Triticum turgidum L. და Triticum aestivum L. მოცემული კვლევის მიზანია ქართული ენდემური ხორბლების B პლაზმონის გენეტიკური მრავალფეროვნებისა და მათი როლის შესწავლა ხორბლის ევოლუციაში.