მშენებლობის სამაგისტრო პროგრამა (MCE)
მშენებლობის სამაგისტრო პროგრამა დაფუძნებულია თეორიულ ცოდნასა და პრაქტიკულ გამოცდილებაზე და ითვალისწინებს სამშენებლო სფეროში არსებულ თანამედროვე მოთხოვნებსა და სტანდარტებს.
პროგრამა უზრუნველყოფს პრაქტიკულ საქმიანობაზე ორიენტირებული, მაღალი კვალიფიკაციის ინჟინერიის მაგისტრის მომზადებას.
პროგრამის მიზანია:
- სტუდენტებისათვის მშენებლობის დარგის ფართო თეორიული ცოდნის მიცემა და ცოდნის პრაქტიკაში გამოყენებისთვის აუცილებელი უნარ-ჩვევების გამომუშავება;
- სამოქალაქო და სამრეწველო დანიშნულების შენობა-ნაგებობების განხორციელების ძირითადი სამშენებლო-საინჟინრო მეთოდებისა და მექანიზმების, საინჟინრო კონსტრუქციების პროექტირება-გაანგარიშების შესწავლა;
- ისეთი ცოდნის მიცემა და უნარების გამომუშავება, რაც კურსადმთავრებულს საშუალებას მისცემს იყოს წარმატებული და კონკურენტუნარიანი პროფესიულ საქმიანობაში.
პროგრამაზე დიდი ყურადღება ექცევა სტუდენტებისთვის სიღრმისეული ცოდნის გადაცემას და პრაქტიკული უნარების გამომუშავებას. პრაქტიკული მეცადინეობები მიმდინარეობს ქმედებაზე ორიენტირებული სწავლების მეთოდის (learning-by-doing) გამოყენებით. პრაქტიკული მეცადინეობისას სტუდენტები მუშაობენ ინდივიდუალურად, თითოეულ სტუდენტს აქვს თავისი სამუშაო სივრცე და უზრუნველყოფილია ყველა საჭირო პროგრამული კომპლექსით.
პროგრამის დასრულების შემდეგ კურსდამთავრებულს ექნება დასაქმების მრავალმხრივი შესაძლებლობა, შემდეგი მიმართულების კომპანიებსა და ორგანიზაციებში:
- სამშენებლო და ინფრასტრუქტურულ კომპანიებში;
- საპროექტო კომპანიებში;
- ექსპეტრიზის და მშენებლობის ზედამხედველობის განმახორციელებელ ორგანიზაციებში;
- უმაღლეს სასწავლო დაწესებულებებში მშენებლობის სპეციალობის ფაკულტეტებზე.
სურვილის შემთხვევაში მაგისტრს შეეძლება სწავლა განაგრძოს შემდგომი საფეხურის (დოქტორანტურის) იგივე ან მომიჯნავე სპეციალობების პროგრამაზე.
სწრაფი ბმულები