სერგი დურმიშიძის ბიოქიმიისა და ბიოტექნოლოგიის ინსტიტუტი
საქართველოს ბიომრავალფეროვნება ქვეყნის მრავალდარგიანი მრეწველობის წარმატებით განვითარების საწინდარია. უნდა შეიქმნას ისეთი აგრობიოლოგიური, კვების, ბიოფარმაცევტული და სხვა ტექნოლოგიები, რომლებიც ადგილობრივ კლიმატზე და რესურსებზე, ნიადაგის მრავალფეროვნებაზე, სელექციურად შერჩეული მიკროორგანიზმების ეფექტიან გამოყენებზე იქნება დაფუძნებული (ალკოჰოლური, რძემჟავური დუღილის მიკროფლორა, ანტიბიოტიკების, ვიტამინების, ფერმენტების მიკრობული სინთეზი და სხვ.).
სამხრეთ კავკასიონის ფერდობების ბიომრავალფეროვნება ბიოლოგიურად და ფიზიოლოგიურად აქტიური სამკურნალო პრეპარატების, მალამოებისა და ექსტრაქტების, კვების ბიოლოგიურად აქტიური დანამატების უნიკალურ წყაროს წარმოადგენს.
აგრარული და სხვა ადგილობრივად არსებული ბუნებრივი რესურსების უნიკალური შესაძლებლობების მაქსიმალური გამოყენება უნდა გადაიქცეს ეროვნული მეცნიერებისა და ქვეყნის სამომავლო განვითარების ერთ-ერთ გზად.
საქართველოს აგრარული უნივერსიტეტის ს. დურმიშიძის ბიოქიმიისა და ბიოტექნოლოგიის ინსტიტუტმა, რომელიც თავდაპირველად 1956 წელს აკადემიკოს ს. დურმიშიძის თაოსნობით მცენარეთა ბიოქიმიის ლაბორატორიის სახით, ხოლო შემდგომ 1971 წელს მცენარეთა ბიოქიმიის ინსტიტუტი სახით ჩამოყალიბდა, თავისი კვლევითი საქმიანობა თავიდანვე ბიოქიმიისა და ბიოტექნოლოგიის თეორიული და ქვეყნისათვის უმნიშვნელოვანესი პრაქტიკული პრობლემების გადაწყვეტას დაუკავშირდა.
ინსტიტუტში ფუნქციონირებს ოთხი ლაბორატორია:
- მცენარეთა ბიოქიმია და ბიოტექნოლოგიის ლაბორატორია
- ბიოტექნოლოგიის ლაბორატორია
- პროკარიოტები და საფუვრების ლაბორატორია
- ბიოლოგიური ჟანგვის ლაბორატორია
ინსტიტუტის ხელმძღვანელი: აკადემიკოსი გიორგი კვესიტაძე
email: g.kvesitadze@agruni.edu.ge