კონსტანტინე ამირეჯიბის ინჟინერიის ინსტიტუტი
კონსტანტინე ამირეჯიბის ინჟინერიის ინსტიტუტში ტრადიციულ აგროსაინჟინრო მიმართულებების კვლევებს დაემატა ისეთი მიმართულებები, როგორიცაა:
- ავტომატიზაცია და მართვის სისტემები, რომლებიც ემყარებიან ელექტრო და კომპიუტერული ინჟინერიისა და რობოტიკის მიმართულებებით კვლევებს;
- მექანიკისა და მართვის სისტემები
- სამოქალაქო და მართვის სისტემები,
- ბიოსამედიცინო და მართვის მიმდინარე პროექტები ეხმაურებიან ისეთი საჭიროების საკითხების მეცნიერულ გადაწყვეტას, როგორიცაა
- ახალი მასალებისა და ტექნოლოგიების დამუშავება მანქანების საიმედოობის გაზრდისათვის;
- ქარხანა-საწარმოებში პროცესების ავტომატიზაცია-ოპტიმიზაცია;
- მცირე ენერგეტიკული დანახარჯების მქონე სამანქანო ტექნოლოგიებისა და ტექნიკური საშუალებების შექმნა მიწის სავარგულების რეკულტივაციისათვის;
- მრავალსართულიანი ნაგებობების კვლევა იმპულსურ ზემოქმედებაზე პლასტიკური დეფორმაციების გათვალისწინებით;
- ოპტიმალური რწყვის რეჟიმების შემუშავება მცენარეული კულტურის ზრდა-განვითარებისათვის საქართველოს სხვადასხვა რეგიონების ბუნებრივი პირობების გათვალისწინებით;
- თავთავიანი კულტურების წარმოებისათვის ნიადაგის დამუშავების ტექნოლოგიების შემუშავება და დანერგვა - გავრცელება საქართველოს მემარცვლეობის ზონებში;
- მანქანათა სისტემების ოპტიმიზაციის მეთოდების სრულყოფა მეურნეობრიობის მრავალფორმიანობის პირობებში.
ინსტიტუტის სამეცნიერო-კვლევითი პროგრამები ემსახურება აგრარული უნივერსიტეტის მაგისტრებისა და დოქტორანტების მომზადებასაც.
ინსტიტუტში ფუნქციონირებს ოთხი ლაბორატორია:
- ალ. ქართველის სახელობის (რობოტიკის) ლაბორატორია
- სამოქალაქო ინჟინერიის ლაბორატორია
- ელექტრო ინჟინერიის ლაბორატორია
- მექანიკური ინჟინერიის ლაბორატორია
ინსტიტუტის ხელმძღვანელი: პროფესორი ზაზა მეტრეველი
email: z.metreveli@agruni.edu.ge