ENG GEO

Search form

სატყეო საქმის საბაკალავრო პროგრამა

ამ პროგრამით შენ დაეუფლები იმ ფუნდამენტურ საგნებს, რომლებიც ყველაზე უკეთ შეგასწავლის სატყეო საქმეს: ბოტანიკას, მცენარეთა ფიზიოლოგიას, ბიოლოგიასა და ქიმიას.

სატყეო საქმის საბაკალავრო პროგრამის დამთავრების შემდეგ შეძლებ დასაქმდე: ბუნებრივი რესურსებისა და დაცული ტერიტორიების მართვის ორგანიზაციებში; ხე–ტყის გადამამუშავებელ საწარმოებში; გარემოს დაცვით სფეროში; ლანდშაფტის დიზაინის დაპროექტება–მოწყობის კომპანიებში; სამონადირეო მეურნეობებში.

ისწავლი ლანდშაფტის დიზაინსა და ეკოტურიზმს. გეცოდინება, თუ როგორ მართო ტყის რესურსები, როგორ მოუარო, აღადგინო, დაიცვა და გააშენო ტყეები, როგორ შექმნა დეკორატიული ბაღები და პარკები, როგორ მოაწყო და მართო სამონადირეო მეურნეობები.

ლექციებს წაგიკითხავენ დიდი გამოცდილების მქონე, მაღალკვალიფიციური პროფესორები და პრაქტიკოსი სპეციალისტები.

პრაქტიკულ მეცადინეობებს გაივლი თანამედროვე სასწავლო და კვლევით ლაბორატორიებსა და ცენტრებში, უნივერსიტეტის მიმდებარე ტერიტორიაზე არსებულ დენდროპარკში.

საბაკალავრო პროგრამა შედგენილია მიჩიგანისა (აშშ) და ვენის ბუნებრივი რესურსებისა და სიცოცხლის შემსწავლელ გამოყენებით მეცნიერებებათა (ავსტრია) უნივერსიტეტების ანალოგიური პროგრამების საფუძველზე.

პროგრამის ხანგრძლივობაა 4 წელი. სწავლის დასრულების შემდეგ მიიღებ აგრარულ მეცნიერებათა ბაკალავრის ხარისხს სატყეო საქმის სპეციალობით.


სწრაფი ბმულები