ENG GEO

Search form

ენტომოლოგიის ინსტიტუტი

ენტომოლოგიის ინსტიტუტი

ენტომოლოგიის ინსტიტუტი 2013 წელს სამი ინსტიტუტის გაერთიანების შედეგად შეიქმნა, აგრარული უნივერსიტეტის ბაზაზე. მასში გაერთიანდნენ მეფუტკრეობის ინსტიტუტი, მეაბრეშუმეობის ინსტიტუტი და ენტომოლოგიისა და ბიოკონტროლის კვლევითი ცენტრი, რომლებიც ცალკე ლაბორატორიებად განაგრძობენ მუშაობას. ამჟამად ინსტიტუტში ფუნქციონირებს სამი ლაბორატორია: ფეხსახსრიანთა, მეაბრეშუმეობისა და მეფუტკრეობის ლაბორატორიები.

ფეხსახსრიანთა ლაბორატორია

ლაბორატორია შეიქმნა 2013 წელს ენტომოლოგიისა და ბიოკონტროლის კვლევითი ცენტრის ბაზაზე. ცენტრი 2010 წელს ჩამოყალიბდა ილიას უნივერსიტეტის ზოოლოგიის ინსტიტუტის ენტომოლოგიის ლაბორატორიის ბაზაზე, რომელიც თავის მხრივ 2005 წელს შეიქმნა უხერხემლო ცხოველთა ლაბორატორიის გაყოფის შედეგად. რაც შეეხება თავად უხერხემლო ცხოველთა ლაბორატორიას, იგი ზოოლოგიის ინსტიტუტის დაარსების დღიდან ფუნქციონირებდა. ზოოლოგიის ინსტიტუტს საფუძველი დაედო 1936 წელს.

კვლევის ძირითადი მიმრთულებები:

• ფეხსახსრიანთა ტაქსონომია
• ფეხსახსრიანთა სისტემატიკა
• ფეხსახსრიანთა ბიომრავალფეროვნება
• ფეხსახსრიანთა ეკოლოგია
• ბიოკონტროლის ექსპერიმენტული კვლევები.

კვლევის ობიექტები:

• საქართველოს მწერების ფაუნისა (და უხერხემლო ცხოველთა სხვა ჯგუფების) და ბიომრავალფეროვნების დადგენა.
• საქართველოს მწერების ეკოლოგიის, ბიოლოგიისა და ზოოგეოგრაფიის შესწავლა.
• მწერების სისტემატიკაზე თანამედროვე მეთოდებით (დნმ და მორფოლოგიური) მუშაობა.
• მავნე მწერების ბიოკონტროლის მეთოდების დამუშავება.
• მავნე და სასარგებლო მწერების კატალოგის შედგენა, მათი ბიოლოგიური თავისებურებების გათვალისწინებით.
• საქართველოს დაცლი ტერიტორიების ეკოსისტემებისათვის, აგროსექტორისათვისა და ურბანული გარემოსათვის ინდიკატორი სახეობების დადგენა.
• იშვიათი, რელიქტური, ენდემური და გადაშენების პირას მყოფი სახეობების კონსერვაცია.
• მოსახლეობისათის სათანადო ინფორმაციის დროულად მიწოდება.

ინფორმაცია პროექტებზე:
• უხერხემლო ცხოველთა ბიომრავალფეროვნება და მძიმე მეტალების ანალიზი პოლიმეტალების საბადოებზე (კაზრეთი, საქართველო) (პროექტი სრულდება ილიას უნივერსიტეტის სახელით) (მტცუ/რესფ 2012-2014 19/09)
• საქართველოს კარსტული მღვიმეების უხერხემლო ცხოველთა ბიომრავალფეროვნება. რესფ - 478 (პროექტი სრულდება ილიას უნივერსიტეტის სახელით) (2012-2014)
• მტირალას ეროვნული პარკის ფეხსახსრიანთა ბიომრავალფეროვნება (რესფ) 2013-2014 (პროექტი წელს დაფინანსდა აგრარული უნივერსიტეტის სახელით)
• წიფლის ბოჭკოვანას პარაზიტოიდის ძებნა მისი გავრცელების ბუნებრივ არეალში. Prime agreement 08-CA-11420004-120 and Subcontract UM# 08-004994 B 00. ამერიკის სატყეო დეპარტამენტი.
• ფუნქციონალური დამტვერავების ბიომრავალფეროვნების დადგენა და მათი რიცხოვნობის შემცირების მიზეზები საქართველოსა და ყირგიზეთში. AZ 86 880. ფოლკსვაგენის ფონდი
• მცირე ზომის ნახევრადხეშეშფრთიანებისა და მათი პარაზიტოიდების დადგენა. ნორვეგიის სამეცნიერო ფონდი.

ბოლო დროს განხორციელებული წარმატებული პროექტები

ბოლო დროს ცენტრის თანამშრომელთა მიერ განხორციელებულია 20-ზე მეტი სამეცნიერო კვლევითი პროექტი. მათ შესახებ ინფორმაცია ასახულია ცენტრის თანამშრომელთა ავტობიოგრაფიებსა და მათ მიერ გამოქვეყნებულ სამეცნიერო ნაშრომებში რომელიც 100-ს აღემატება.

მეაბრეშუმეობის ლაბორატორია

საქართველოში ოდითგანვე იყო გავრცელებული. აბრეშუმხვევიას ძველი კავკასიური ჯიშები, როდესაც ევროპაში გავრცელებული აბრეშუმის ჭიის დაავადება, პებრინა, საქართველომდე მოვიდა, დარგის სავალალო მდგომარეობა მოითხოვდა კონკრეტული ღონისძიებების გატარებას. 1887 წელს თბილისში დაარსდა კავკასიის მეაბრეშუმეობის სადგური. 1930 წ. მეაბრეშუმეობის სადგურს, ამიერკავკასიის მეაბრეშუმეობისა და აბრეშუმის წარმოების სამეცნიერო-კვლევითი ინსტიტუტი ეწოდა, ხოლო 1954 წლიდან კი იგი შეუერთდა სასოფლო სამეურნეო ინსტიტუტს და მეაბრეშუმეობის სამეცნიერო კვლევითი ინსტიტუტი დაერქვა. დღეისათვის მეაბრეშუმეობის ლაბორატორიაში 70-მდე ჯიშს აბრეშუმის ჭიის გრენა ინახება.

კვლევის მიმართულებები:

• თუთის აბრეშუმხვევიას გენოფონდის შენარჩუნება;
• თუთის აბრეშუმხვევიას დაავადება- პოლიედროზის ადრეული დიაგნოსტიკა გრენის ფაზაში;
• ცოცხალი აბრეშუმის პარკის ამოხვევისათვის სპეციალური ხსნარის კონცენ¬ტრაციისა და ექსპოზიციის შემუშავება;
• დაავადება ფოთლის სიხუჭუჭისადმი გამძლე თუთის მცენარის თესლნერგებისა და ნამყენი ნერგების გამრავლება;
• დაავადება ფოთლის სიხუჭუჭისადმი გამძლე თუთის მცენარეების იმუნიტეტის ხარისხის შეფასება წინასწარი სადიაგნოსტიკო სტრუქტურულ-ანატომიური ნიშნებით.
• თუთის ზოგიერთი ჯიშის მრავალმიზნობრივად გამოყენების შესაძლებლობა

კვლევის ობიექტები:

• თუთის აბრეშუმხვევია
• თუთის მცენარე
• თუთის აბრეშუმხვევიას დაავადების გამომწვევი ვირუსები
• თუთის აბრეშუმხვევიას პარკი
• თუთის აბრეშუმხვევიას გენოფონდი და კოლექციის ჯიშები

ინფორმაცია პროექტებზე:

1. თუთის აბრეშუმხვევიას გენოფონდის მოვლა შენარჩუნება;
თუთის აბრეშუმხვევიას დაავადების ბირთვული პოლიედროზის ადრეული (გრენის ფაზაში) დიაგნოსტიკა;
2. "თუთის მრავალმიზნობრივი გამოყენების მიზანშეწონილობა და ეკონომიკური ეფექტიანობა საქართველოს მთისა და ბარის პირობებში"

მეფუტკრეობის ლაბორატორია

სამეცნიერო-კვლევითი დაწესებულება დაარსდა 1889 წელს თბილისში მეაბრეშუმეობის სადგურთან. 1936 წელს გამოეყო და მის ბაზაზე საქართველოს მეცხოველეობის სამეცნიერო-კვლევით ინსტიტუტში შეიქმნა მეფუტკრეობის განყოფილება. 1959 წელს კი დაარსდა დამოუკიდებელი დაწესებულება მეფუტკრეობის საცდელი სადგურის სახელწოდფებით, ხოლო 1976 წლიდან გადაკეთდა საქართველოს მეფუტკრეობის სამეცნიერო-საწარმოო რესპუბლიკური გაერთიანებად. მეფუტკრეობას საქართველოში დიდი ისტორია აქვს და დღესაც პოპულარულ დარგად ითვლება, ქართული ფუტკარი კი რეგიონის ენდემურ ჯიშადაა მიჩნეული, რომელიც გამოირჩევა მრავალი დადებითი თვისებით, რაც მას მიმზიდველს ხდის ინდუსტრიული მეფუტკრეობისათვის.

კვლევის ძირითადი მიმრთულებები

• მეთაფლია ფუტკრის პათოგენები
• პრობიოტიკები
• ბიომრავალფეროვნება და კონსერვაცია

კვლევის ობიექტები

საქართველოში გავრცელებული ენდემური მეთაფლია ფუტკარი, მისი ბაქტერიული, ვირუსული, სოკოვანი პათოგენები და პარაზიტული მავნებლები.
მეთაფლია ფუტკრის ჯანსაღი კოლონიებიდან გამოყოფილი კანდიდატი პრობიოტიკური ბაქტერიები.