Biography

ანა ქუმსიშვილი არის საქართველოს აგრარული უნივერსიტეტის კლინიკის Veterinarium-ის თერაპევტი, ინფექციონისტი, დერმატოლოგი და გადაუდებელი დახმარების ექიმი. 

ის ჩართული იყო საქართველოს აგრარული უნივერსიტეტის:

• ვეტერინარიის ინტეგრირებული სამაგისტრო პროგრამის ფარგლებში ახალი საგნის - "პრაქტიკა ვეტერინარულ კლინიკაში" - შემუშავებასა და სწავლებაში.
• ვეტერინარი ტექნიკოსის სასერტიფიკატო პროგრამის განახლებასა და სწავლებაში.

გარდა ამისა, ანამ შეიმუშავა ახალი საგნისათვის "პირველადი გადაუდებელი დახმარება" სასწავლო მასალა. 

ის არის საქართველოს აგრარული უნივერსიტეტის ვეტერინარული მედიცინის სკოლის ლექტორი და კითხულობს ლექციებს "პრაქტიკა ვეტერინარულ კლინიკაში" საგნის ფარგლებში. 

ანა არის საქართველოს აგრარული უნივერსიტეტის ვეტერინარული მედიცინის სკოლის კურსდამთავრებული და ფლობს ვეტერინარიის მაგისტრის ხარისხს. მისი სამაგისტრო ნაშრომის თემა იყო: "ამერიკული სიდამპლის ეპიდემიოლოგია და დაავადების აფეთქების მაპროგნოზირებელი კვლევითი მოდელის გამოცდა საქართველოში."

ანა ფლობს პროფესიულ სერტიფიკატებს ენდოკრინოლოგიის, დერმატოლოგიის, ნეფროლოგიის და ნუტრიციოლოგიის მიმართულებებით. 

ის არის Land O’Lakes Venture37 (USDA)-ის პროექტის ფარგლებში შემუშავებული წიგნის  - "ნოველები მოზარდებისთვის ცხოველთა დაავადებების შესახებ”- ილუსტრატორი.