მოტობურთი 2025

თავისუფალი და აგრარული უნივერსიტეტების ინჟინერიითა და პროგრამირებით დაინტერესებული სტუდენტების ინიციატივითა და ორგანიზებით 12 დეკემბერს კახა ბენდუქიძის კამპუსში გაიმართა რადიო-კონტროლირებადი მანქანების შეჯიბრი - მოტობურთი 2025.

🥇პირველი ადგილი მოიპოვა გუნდმა Musty Flick - დაჩი ნაზრიშვილის, მიშო კალანდარიშვილის, ნინი გოცაძისა და რატი გოგიჩაშვილის შემადგენლობით. გამარჯვებულები 3 500 ლარით დააჯილდოვა Betsson.hub-მა. ამ გუნდმა ზედიზედ მესამედ გაიმარჯვა მსგავს საინჟინრო შეჯიბრში.

🥈მეორე ადგილზე გავიდა ზურაბ ტურაბელიძის, გიორგი ქათამაძის, რატი აფციაურისა და ტატო თავაძის გუნდი სახელწოდებით BUM-BULL-BEE. მათ Upgaming-ისგან გადაეცა 2 500 ლარი.

🥉მესამე ადგილზე გავიდა გიგი შანყულაშვილის უნიკალური დიზაინისა და შესაძლებლობის რადიო-კონტროლირებადი რობოტი. გიგის კომპანია AzRy-მ საჩუქრად უახლესი 3D პრინტერი გადასცა.