აგრარული უნივერსიტეტის სტუდენტების მორიგი წარმატება

"სტუდენტური ინოვაციების" პროგრამის ფარგლებში TS ფონდის გამოცხადებულ კონკურსში აგრარული უნივერსიტეტის კვების ტექნოლოგიის გუნდმა ხილისა და ბოსტნეულის ჩიფსების წარმოების იდეით - 10 000 ლარიანი გრანტი მოიპოვა.

ამ თანხით ისინი შეძლებენ საკუთარ იდეაზე დაფუძნებული სტარტაფის შექმნას და პირველი ქართული ვაშლის ჩიფსების წარმოებას.

კონკურსი შედგებოდა სამი ეტაპისგან, რომელიც მოიცავდა პროექტის მოკლე და მთლიანი ვერსიის ფორმების შედგენასა და ანალიზს.

შეფასების ძირითადი კრიტერიუმი იყო იდეის ინოვაციურობა და მისი კომერციალიზაციის რეალურობა.