ანა ქუმსიშვილმა, წარმატებით დაასრულა (ESAVS)-ის ონკოლოგიის პროგრამა

Veterinarium-ის მთავარმა ვეტერინარმა და თერაპიის დეპარტამენტის უფროსმა, ანა ქუმსიშვილმა, წარმატებით დაასრულა European School of Advanced Veterinary Studies (ESAVS)-ის ლუქსემბურგში ჩატარებული საერთაშორისო აკრედიტებული ონკოლოგიის პროგრამა.

ანა ქუმსიშვილი პირველი ვეტერინარია საქართველოდან, რომელმაც გაიარა ESAVS-ის აკრედიტებული სასწავლო კურსი 🩵 ეს შესაძლებელი გახდა საქართველოს აგრარული უნივერსიტეტის ფინანსური მხარდაჭერით.

ESAVS-ის სერტიფიცირებული და სამაგისტრო პროგრამები მოიცავს უახლეს სასწავლო მასალას ვეტერინარული კლინიკური დისციპლინების მიმართულებით. სწავლება დაფუძნებულია ინტენსიურ თეორიულ და პრაქტიკულ მეცადინეობებზე, გამოცდებსა და პრობლემებზე ორიენტირებულ მიდგომაზე. პროგრამები ტარდება ევროპის დაახლოებით 20 ქვეყნის წამყვან უნივერსიტეტებსა და კლინიკებთან თანამშრომლობით.

ESAVS-ის პროგრამები აკრედიტებულია ATF-ის (Akademie für tierärztliche Fortbildung) მიერ, რომელიც მოქმედებს გერმანიის ფედერალური ვეტერინართა პალატის (Bundestierärztekammer – BTK) ფარგლებში. ეს აკრედიტაცია სრულად შეესაბამება ამერიკის უწყვეტი ვეტერინარული განათლების რეესტრის (RACE), დიდი ბრიტანეთის სამეფო ვეტერინართა კოლეგიის (RCVS) და ირლანდიის ვეტერინართა საბჭოს (VCI) მოთხოვნებს.