ედისონის ლიგა - NONUS 2021

კახა ბენდუქიძის კამპუსში ჩატარდა შემეცნებითი კონკურსი აბიტურიენტებისათვის - ედისონის ლიგა NONUS 2021.

კონკურსი გუნდურია და განკუთვნილია აბიტურიენტებისათვის, ვინც დაინტერესებულია ინჟინერიით, რობოტიკით, კონსტრუირებით, კომპიუტერული პროგრამირებითა და პროექტირებით.

ედისონის ლიგის საპრიზო ადგილზე გასულ გუნდებს გადაეცათ სასწავლო ვაუჩერები:

I ადგილზე გასულ გუნდს გადაეცა 15 000 ლარიანი გრანტი;
II ადგილზე გასულ გუნდს გადაეცა 9 000 ლარიანი გრანტი;
ხოლო III ადგილზე გასულ გუნდს გადაეცა 4500 ლარიანი გრანტი.

გრანტები აგრარული უნივერსიტეტის აგრარული მეცნიერებების, საბუნებისმეტყველო მეცნიერებების, ვეტერინარიისა და საინჟინრო-ტექნოლოგიურ ფაკულტეტზე და თავისუფალ უნივერსიტეტში ფიზიკის, კომპიუტერული მეცნიერებებისა და მათემატიკის, არქიტექტურის და შენობის სისტემების ინჟინერიის სკოლაში დააფინანსებს ბაკალავრიატში სწავლის საფასურს და 8 სემესტრზე გადანაწილდება.