გერმანული ნაგაზის ხერხემლის მოტეხილობა

საქართველოს აგრარული უნივერსიტეტის კლინიკა Veterinarium-ში გერმანულ ნაგაზს დაუდგინდა წელის მეშვიდე (L7) მალის მოტეხილობა, რაც უკანა კიდურების პროპრიოცეფციის დარღვევასა და პარაპლეგიას იწვევდა. იგი გადაადგილებას წინა კიდურების დახმარებით ცდილობდა.

10 დღის წინ მას ჩაუტარდა ხერხემლის მეტალოოსტეოსინთეზი ტრანსპედიკულარული სისტემის გამოყენებით. ოპერაცია ჩაატარა Veterinarium-ის მთავარმა ვეტერინარმა და ქირურგიის განყოფილების უფროსმა, ლაშა-გიორგი ჯაფარიძემ. მას ასისტირებდა ვეტერინარი ბარბარე ქურციკიძე, ხოლო ანესთეზიოლოგი ნათია რობაქიძე პაციენტის უსაფრთხოებას უზრუნველყოფდა ოპერაციის განმავლობაში.

პოსტს თან ერთვის ოპერაციის ფოტოები, ასევე ოპერაციის წინა და შემდგომი რენტგენოგრაფიული გამოსახულებები, რომლებიც მკაფიოდ აჩვენებს მოტეხილობის სიმძიმეს ჩარევამდე და მიღწეულ მნიშვნელოვან გაუმჯობესებას ოპერაციის შემდეგ.

პაციენტის რეაბილიტაცია წარმატებით მიმდინარეობს, და ახლა ის უკვე უკანა კიდურების გამოყენებით გადაადგილდება.