M Group-ის გაყიდვების მენეჯერი კამპუსში

პროექტის ფარგლებში "გაყიდვების მენეჯერი სტუმრად კამპუსში", კახა ბენდუქიძის საუნივერსიტეტო კამპუს ეწვია "M Group"-ის გაყიდვების მენეჯერი, ლინდა კიკოლაშვილი და დიჯიტალ მარკეტინგის მენეჯერი გიორგი ახვერდაშვილი.

სტუმრებმა ისაუბრეს სუპერმარკეტების ქსელებზე, ასევე სხვადასხვა ბიზნეს მიმართულებებზე, რომელიც "M Group"-ს გააჩნია, სტუდენტებს გაუზიარეს მრავალწლიანი გამოცდილება გაყიდვების და მარკეტინგის სფეროში.

შეხვედრის მეორე ნაწილი დაეთმო კითხვა-პასუხს.

ორგანიზატორები: აგრარული უნივერსიტეტის ბიზნეს სკოლის სტუდენტები: ლევან ჩხატარაშვილი, გიორგი კალანდარიშვილი, გიორგი ჩომახაშვილი, გიორგი ჩხიკვაძე და ცოტნე ლაბარტყავა.

პროექტს "გაყიდვების მენეჯერი სტუმრად კამპუსში" ხელმძღვანელობს საქართველოს აგრარული უნივერსიტეტის ლექტორი მარიამ ლეჟავა.