მევენახეობა-მეღვინეობის პროფესიული პროგრამის სერტიფიკატების გადაცემა

კახა ბენდუქიძის კამპუსში გაიმართა საქართველოს აგრარული უნივერსიტეტის მევენახეობა-მეღვინეობის სასერტიფიკატო პროგრამის კურსდამთავრებულებისათვის სერტიფიკატების გადაცემის ღონისძიება. პროგრამა წარმატებით გაიარა 33-მა სტუდენტმა.

პროგრამა შემუშავდა „ათასწლეულის გამოწვევის ფონდი - საქართველოს“ (MCA-G) პროექტის „პროფესიული განათლება ეკონომიკის განვითარებისთვის" ფარგლებში და ვახენინგენის უნივერსიტეტის (Wageningen University and Research) საერთაშორისო ექსპერტებთან ერთად.