ნიკა ფუტკარაძე კვლევით საქმიანობას გერმანიაში განაგრძობს

აგრარული უნივერსიტეტის საინჟინრო-ტექნოლოგიური ფაკულტეტის ელექტრო და კომპიუტერული ინჟინერიის მიმართულების მესამე კურსის სტუდენტი, ნიკა ფუტკარაძე კვლევით საქმიანობას გერმანიაში განაგრძობს.

უნივერსიტეტთან დაწყებული ახალი თანამშრომლობის ფარგლებში, ნიკა GSI Darmstadt - მძიმე იონების კვლევების ცენტრში ერთი თვით იმყოფება. ის RBDL დეტექტორების ლაბორატორიაში, CBM (Compressed Baryonic Matter) ექსპერიმენტის თემატიკით გათვალისწინებულ კვლევით სამუშაოებშია ჩართული.