ნუცა ბესაშვილი ესტონეთში ინტენსიურ პროფესიულ გადამზადებას გადის

კლინიკა ვეტერინარიუმის ფართო პროფილის თერაპევტი და ექოსკოპისტი ნუცა ბესაშვილი ესტონეთში იმყოფება და ინტენსიურ პროფესიულ გადამზადებას გადის.

პროფესიული გადამზადება შესაძლებელი გახდა საქართველოს აგრარულ უნივერსიტეტსა და ესტონეთის სიცოცხლის შემსწავლელ მეცნიერებათა უნივერსიტეტს შორის გაფორმებული თანამშრომლობის მემორანდუმის ფარგლებში.

ესტონეთის სიცოცხლის შემსწავლელ მეცნიერებათა უნივერსიტეტში ნუცა გადის 7-კვირიან ინტენსიურ პრაქტიკულ კურსს წვრილი ცხოველების მედიცინის მიმართულებით, რომლის მოცულობაც 10 კრედიტს შეადგენს. პრაქტიკული კურსი ტარდება ამავე უნივერსიტეტის ვეტერინარულ კლინიკაში, სადაც გამოცდილი ექიმები მონაწილეებს მენტორობას უწევენ, უზიარებენ ცოდნას და ხელს უწყობენ მათი პრაქტიკული უნარების განვითარებას.

ნუცამ პროფესიული პრაქტიკა დაიწყო 29 სექტემბერს და ის გაგრძელდება 17 ნოემბრამდე.

მისი გამგზავრებისა და ცხოვრების ხარჯებს სრულად ფარავენ კლინიკა ვეტერინარიუმი და კახა ბენდუქიძის ცოდნის ფონდი.