ოლიმპიადა ნიადაგმცოდნეობაში

საქართველოს აგრარული უნივერსიტეტის, მიხეილ საბაშვილის ნიადაგმცოდნეობის, აგროქიმიის და მელიორაციის ინსტიტუტის, საქართველოს ნიადაგმცოდნეთა საზოგადოებისა  და საქართველოს პროფესიონალ ქიმიკოსთა ასოციაციის მიერ ჩატარდა მოსწავლეთა რესპუბლიკური ოლიმპიადა ნიადაგმცოდნეობაში „დედამიწა ჩვენი სახლია“ .

ოლიმპიადის მიზანი იყო მოსწავლეთა შორის საბუნებისმეტყველო დისციპლინების (განსაკუთრებით ნიადაგმცოდნეობის) პოპულარიზაცია; აგრარული მეცნიერებების მნიშვნელობის გააზრება; გარემოსა და ბუნებრივ რესურსებზე ზრუნვის აუცილებლობის გათავისება.

ოლიმპიადა ჩატარდა ორ ტურად.

კონკურსში მონაწილეობა მიიღო  საქართველოს სხვადასხვა რეგიონის 132-მა მოსწავლემ, რომელთაგან, კომპეტენტური ჟიურის მიერ, შემდეგი ტურისთვის შერჩეულ იქნა 47 მონაწილე.

ჟიურიმ შეაფასა მოსწავლეთა ნაშრომები,  რის შედეგადაც მონაწილეებს გადაეცათ I, II, III  ადგილის დამადასტურებელი სერტიფიკატები.