კამპუსმა უმასპინძლა კვებისა და სასმელების სფეროში წამყვან საერთაშორისო კომპანიას - PepsiCo

კახა ბენდუქიძის კამპუსმა უმასპინძლა კვებისა და სასმელების სფეროში წამყვან საერთაშორისო კომპანიას - PepsiCo.

საქართველოს აგრარული უნივერსიტეტის სასურსათო ტექნოლოგიის პროგრამის სტუდენტებს შეხვდნენ კომპანიის ტალანტების მოზიდვის სპეციალისტი ლიკა საცერაძე, წარმოების ხაზის სუპერვაიზერი სოფიო მაზმანიანი, რძის ხაზის ბრენდ მენეჯერი ანა ქანთარია.

კომპანიის წარმომადგენლებმა სტუდენტებს წარუდგინეს PepsiCo-ს ახალი ანაზღაურებადი სტაჟირების პროგრამა „PepsiCo Go”, რომელიც სექტემბრიდან ამოქმედდება და სხვადასხვა მიმართულებასთან ერთად, სასურსათო ტექნოლოგიის სტუდენტებსაც ექნებათ შესაძლებლობა, კონკურსის წესით, ჩაერთონ პროგრამაში და თეორიულად მიღებული ცოდნა პრაქტიკულად გაამყარონ.

შეხვედრა გაიმართა საქართველოს აგრარულ უნივერსიტეტსა და კომპანია PepsiCo-ს ურთიერთთანამშრომლობის ფარგლებში და მიზნად ისახავს სტუდენტების აკადემიური და კარიერული განვითარების მხარდაჭერას.