Welcome Party 2023

6 ოქტომბერს კახა ბენდუქიძის კამპუსის ეზოში ჩატარდა Welcome Party თავისუფალი და აგრარული უნივერსიტეტების სტუდენტებისთვის, რომლის მუსიკალურ ნაწილზეც იზრუნეს Solo Gagua-მ და მწვანე ოთახმა.

Welcome Party-ს ფარგლებში სტუდენტებს სიტყვით მიმართეს თავისუფალი და აგრარული უნივერსიტეტების რექტორმა ვატო ლეჟავამ და ცოდნის ფონდის დირექტორმა ანასტასია ბენდუქიძემ. ასევე, მათ დააჯილდოვეს:

• თავისუფალი და აგრარული უნივერსიტეტების პირველკურსელები, რომლებსაც ერთიან ეროვნულ გამოცდებში საუკეთესო შედეგები ჰქონდათ
• თავისუფალ უნივერსიტეტში ჩარიცხული ოლიმპიელები
• საველე პრაქტიკის ფარგლებში გამართული ფოტოკონკურსის გამარჯვებულები.

სტუდენტებს ასევე მიმართეს თავისუფალი უნივერსიტეტის კურსდამთავრებულთა დაარსებულმა ალუმნი ფონდმა, რომელმაც დაანონსა სტუდენტების ხელშეწყობის მიზნით დაგეგმილი ინიციატივები.

კომპიუტერული მეცნიერების და მათემატიკის პროგრამის და სამართლის პროგრამის საუკეთესო შედეგების მქონე პირველკურსელებს გადაეცათ კერძო კომპანიების დაწესებული ერთწლიანი სასწავლო გრანტი.