ბიზნესის სკოლა

თავისუფალი მეცნიერებების საბაკალავრო პროგრამის აღწერა

საქართველოს აგრარული უნივერსიტეტის თავისუფალი მეცნიერებების საბაკალავრო პროგრამის მიზნებია:

• სტუდენტს მისცეს კლასიკური საბაზო უმაღლესი განათლება თავისუფალი მეცნიერებების პრინციპებზე დაყრდნობით, ხელი შეუწყოს სტუდენტის ჰარმონიულად განვითარებულ პიროვნებად ჩამოყალიბებას და დაეხმაროს სტუდენტს გაიფართოოს თვალსაწიერი.
• მოამზადოს სტუდენტი მენტალურად და უნარ-ჩვევებით სწრაფად ცვალებადი საზოგადოებრივი და ეკონომიკური გარემოებებისთვის, შრომითი ბაზრისთვის, ინდივიდუალური, ჯგუფური და პროფესიული კვალიფიციური საქმიანობისთვის.
• სტუდენტს განუვითაროს კლასიკური ფილოლოგიისა და მედიევისტიკის, სახვითი და პერფორმატიული [საშემსრულებლო] ხელოვნებების მეცნიერული კვლევისთვის აუცილებელი საბაზო უნარ-ჩვევები და ცოდნა და მოამზადოს შემდეგ აკადემიურ საფეხურზე, მაგისტრატურაში აკადემიური კვლევისთვის.

ისტორიული და თანამედროვეობის კონტექსტის გათვალისწინებით, თავისუფალი მეცნიერებების საბაკალავრო პროგრამა ეფუძნება: ანტიკურ და ევროპულ კულტურას, ქართველი ეროვნული მოღვაწეების ტრადიციულ აღზრდასა და განათლებას და თანამედროვე ამერიკულ წარმატებას.

პროგრამის ფარგლებში, “liberal arts-ის“ ტრადიციულ 4 ელემენტს - ა) სიტყვიერების, ბ) მათემატიკურ-ლოგიკური, გ) ვიზუალური და დ) მუსიკალური ხელოვნების ინტეგრირებულად სწავლების კლასიკურ სისტემას, ემატება კიდევ ორი ელემენტი, კერძოდ - ე) სამსახიობო და ვ) ეპისტემოლოგიური.

საბაკალავრო პროგრამის წარმატებით დასრულების შემთხვევაში, კურსდამთავრებულს ენიჭება კვალიფიკაცია - თავისუფალ მეცნიერებათა ბაკალავრი. საბაკალავრო პროგრამის ხანგრძლივობაა 4 წელი.

დასაქმების სფეროები

თავისუფალი მეცნიერებების საბაკალავრო პროგრამის კურსდამთავრებულები შეიძლება დასაქმდნენ შემდეგი მიმართულებით:

• სახელოვნებო ცენტრები
• ვიზუალური ხელოვნება
• მედია
• სარეკლამო ინდუსტრია, მათ შორის კომუნიკაციის დიზაინი
• ინტერიერის დიზაინი
• კინო და ტელე-ინდუსტრია

ამასთან, კურსდამთავრებულს შეუძლია შეასრულოს საკონსულტაციო და შემოქმედებითი (კრეატიული) მენეჯერის ფუნქციები.

პროგრამის აღწერა