2024-2025 აკადემიური წლის მეშვიდე გაცნობითი პროგრამა ჩატარდა

08 აპრილი 2025

კახა ბენდუქიძის კამპუსში 2024-2025 აკადემიური წლის მეშვიდე გაცნობითი პროგრამა 28 მარტს გაიმართა. გაცნობით პროგრამას 700-მდე მოსწავლე დაესწრო და დეტალური ინფორმაცია მიიღო აგრარული და თავისუფალი უნივერსიტეტების პროგრამების შესახებ.

მიმდინარე აკადემიური წლის განმავლობაში უკვე ჩატარდა შვიდი გაცნობითი პროგრამა, რომელთაც ჯამში 3 000-ზე მეტი მოსწავლე ესწრებოდა.

გაცნობითი პროგრამების ფარგლებში, აბიტურიენტებს აქვთ შესაძლებლობა ეწვიონ კამპუსს, გაეცნონ მათთვის საინტერესო პროგრამებსა და სასწავლო გარემოს, მიიღონ ინფორმაცია უნივერსიტეტში ჩაბარების პირობების შესახებ, გაესაუბრონ მომავალ ლექტორებს, დაესწრონ სასურველ ლექციებს და მიიღონ ამომწურავი პასუხები მათთვის მნიშვნელოვან კითხვებზე.