2024 წლის 2 მარტს აბიტურიენტებისათვის გაცნობითი პროგრამა ჩატარდა

06 მარტი 2024

2024 წლის 2 მარტს კახა ბენდუქიძის კამპუსში ჩატარდა გაცნობითი პროგრამა. 450-მდე მოსწავლე ესტუმრა კახა ბენდუქიძის კამპუსს და აგრარული და თავისუფალი უნივერსიტეტების პროგრამების შესახებ მიიღო დეტალური ინფორმაცია.

აგრარული და თავისუფალი უნივერსიტეტების მიერ მიმდინარე აკადემიურ წელს ჩატარდა 6 გაცნობითი პროგრამა აბიტურიენტებისათვის, რომელსაც ჯამში 2 850-მდე მოსწავლე ესტუმრა.

გაცნობითი პროგრამების ფარგლებში აბიტურიენტებს შესაძლებლობა აქვთ ესტუმრონ კამპუსს, გაეცნონ მათთვის საინტერესო პროგრამებს, სასწავლო გარემოს, უნივერსიტეტში მიღების პირობებს, გაესაუბრონ მომავალ ლექტორებს, დაესწრონ მათთვის სასურველ ლექციებს და მიიღონ ამომწურავი პასუხები მათთვის მნიშვნელოვან კითხვებზე.