8000 მოსავალმა მეექვსედ უმასპინძლა აგრარული უნივერსიტეტის სტუდენტების ღვინის დეგუსტაციას

8000 მოსავალმა უკვე მეექვსედ უმასპინძლა აგრარული უნივერსიტეტის მე-4 კურსის სტუდენტების ღვინის დეგუსტაციას.

სტუდენტები თავად არჩევენ ყურძნის ჯიშსა და წარმოების ტექნოლოგიას, კრეფენ ყურძენს, ახდენენ ტკბილისა და დურდოს წინასწარ დამუშავებას, ალკოჰოლური დუღილის წარმართვასა და რეგულირებას, ვაშლ-რძემჟავა დუღილის ჩატარებასა და დაავადებების პრევენციას. ამასთანავე, სტუდენტები საზღვრავენ ღვინის ფიზიკურ-ქიმიურ პარამეტრებს, ხარისხის შეფასების მიზნით ატარებენ დეგუსტაციებს, ამოწმებენ მდგრადობას, ზრუნავენ ღვინის სტაბილიზაციაზე და ასხამენ ბოთლებში.

მევენახეობა-მეღვინეობის პროგრამის სტუდენტებთან ერთად „ღვინის მარკეტინგის“ საგნის ფარგლებში ღვინოების ეტიკეტს ქმნიან თბილისის თავისუფალი უნივერსიტეტის ვიზუალური ხელოვნების, არქიტექტურის და დიზაინის პროგრამის - VA[A]DS-ის სტუდენტები.