გიორგი პაპულაშვილი სწავლას აგრძელებს Heidelberg University-ში

20 ოქტომბერი 2026

საქართველოს აგრარული უნივერსიტეტის ბიოლოგიის საბაკალავრო პროგრამის კურსდამთავრებული გიორგი პაპულაშვილი სწავლას აგრძელებს გერმანიაში, Heidelberg University-ში სამაგისტრო პროგრამაზე "მოლეკულური ბიომეცნიერებები: სიმსივნის ბიოლოგია" (MSc Molecular Biosciences: Major Cancer Biology).

პროგრამის მიზანია სიმსივნის განვითარებისა და პროგრესირების მოლეკულური და უჯრედული მექანიზმების შესწავლა თანამედროვე ინტერდისციპლინური მიდგომებით. პროგრამა ხორციელდება Deutsches Krebsforschungszentrum-ში (DKFZ), რომელიც ევროპის უმსხვილეს კიბოს კვლევით ინსტიტუტს წარმოადგენს.

გიორგიმ მოიპოვა DAAD-ის სამაგისტრო სტიპენდია, რომელიც მოიცავს სწავლისა და ცხოვრების სრულ დაფინანსებას, აგრეთვე გერმანული ენის საზაფხულო კურსს.