ცოდნის ფონდის მისია და საქმიანობა

თბილისის თავისუფალი უნივერსიტეტისა და საქართველოს აგრარული უნივერსიტეტის დამფუძნებელია ცოდნის ფონდი. ცოდნის ფონდი არამომგებიანი, არასამეწარმეო იურიდიული პირია, რომელიც კახა ბენდუქიძემ 2007 წელს დააარსა და რომელსაც სამართლებრივად საქველმოქმედო ორგანიზაციის სტატუსი აქვს მინიჭებული.

ცოდნის ფონდი გამორჩეულია იმით, რომ ემსახურება საჯარო ინტერესს და ახორციელებს საზოგადოებრივ საქმიანობას - უმაღლესი განათლებისა და მეცნიერების განვითარების ხელშეწყობას ქველოქმედების გზით.

2007-2014 წლებში ცოდნის ფონდის მიერ 50 მილიონი აშშ დოლარის საქველმოქმედო ინვესტიცია ჩაიდო უმაღლეს განათლებასა და მეცნიერებაში. კახა ბენდუქიძის გარდაცვალების შემდეგ, მისმა გუნდმა ფონდის მეშვეობით დამატებით 40 მილიონი აშშ დოლარის ინვესტიცია განახორციელა.

ამგვარად, 2025 წლისთვის კახა ბენდუქიძის ცოდნის ფონდის მიერ განხორციელებული ჯამური ინვესტიცია 90 მილიონ აშშ დოლარს შეადგენს, რაც საქართველოს მასშტაბით განათლებისა და მეცნიერების სფეროში ერთ-ერთი ყველაზე გამორჩეული კერძო საქველმოქმედო ინვესტიციაა.

გარდა ამისა, 2019 წლიდან ცოდნის ფონდი სრულად აფინანსებს თავისუფალი და აგრარული უნივერსიტეტების სოციალურად დაუცველი სტატუსის მქონე ყველა სტუდენტს.

ცოდნის ფონდი აქტიურად და სრულფასოვნად აგრძელებს დამფუძნებლის მიერ განსაზღვრულ მისიასა და საქმიანობას.

#AgrUni #FreeUni #BendukidzeCampus