გიორგი ღონღაძე სწავლას აგრძელებს Erasmus Mundus-ის ერთობლივ სამაგისტრო პროგრამაზე

ქიმიის პროგრამის კურსდამთავრებული გიორგი ღონღაძე სწავლას აგრძელებს სრული დაფინანსებით, Erasmus Mundus-ის ერთობლივ სამაგისტრო პროგრამაზე თეორიული ქიმიისა და კომპიუტერული მოდელირების მიმართულებით.

პროგრამის ფარგლებში, გიორგი ისწავლის Universitat de València-ში (ესპანეთი), Katholieke Universiteit Leuven-ში (ბელგია), Université de Toulouse-ში (საფრანგეთი).

სამაგისტრო პროგრამა მიზნად ისახავს თეორიული და კომპიუტერული ქიმიის განვითარებას. ეს დარგი ფართოდ გამოიყენება როგორც ახალი მედიკამენტების დიზაინისთვის ფარმაცევტულ ინდუსტრიაში, ასევე ახალი ნაერთების ქიმიური თვისებებისა და რეაქციისუნარინობის პრედიქციაში ქიმიურ ინდუსტრიასა და გამოყენებით ფიზიკურ მეცნიერებებში. გიორგიც სწორედ ამის გამო დაინტერესდა ამ პროგრამით.