კულინარიის აკადემიაში ახალი ნაკადის სტუდენტებმა დაიწყეს სწავლა

საქართველოს კულინარიის აკადემიაში მზარეულის და კონდიტერის პროფესიულ პროგრამებზე სწავლა ახალი ნაკადის სტუდენტებმა დაიწყეს.

პირველი შეხვედრები უკვე გაიმართა, ჯგუფებს ჩაუტარდათ შესავალი ლექციები, რომლებმაც მათ სასწავლო პროცესზე წარმოდგენა შეუქმნა.

კულინარიის აკადემიის მენეჯერმა ანი ფხალაძემ და ლექტორებმა ირკა ქელეხსაშვილმა და ნატა წერუაშვილმა სტუდენტებს გააცნეს აკადემიური გარემოს წესები და უსაფრთხოების სტანდარტები.