ლევან კიკაჩეიშვილი გაცვლითი პროგრამით იმყოფება გაიზენჰაიმის უნივერსიტეტში

მევენახეობა-მეღვინეობის პროგრამის სტუდენტი ლევან კიკაჩეიშვილი ერთწლიანი გაცვლითი პროგრამით იმყოფება გერმანიაში, ქალაქ გაიზენჰაიმში, Hochschule Geisenheim University-ში.

ლევანი გერმანიაში გაივლის რამდენიმე სასწავლო კურსს საერთაშორისო ღვინის ბიზნესისა და მეღვინეობის პროგრამებიდან. საქართველოში დაბრუნების შემდეგ ლევანი გეგმავს აგრარული უნივერსიტეტის მეღვინეობის საბაკალავრო პროგრამის დასრულებას, გერმანიაში მიღებული გამოცდილებით კი საკურსო ღვინის დაყენებას და ღვინის ინდუსტრიაში ჩართვას.

Hochschule Geisenheim University წარმოადგენს საქართველოს აგრარული უნივერსიტეტის პარტნიორ სასწავლებელს, რომელიც ყოველწლიურად მასპინძლობს მევენახეობა-მეღვინეობის სტუდენტებს გაცვლითი პროგრამით.