მედეა მღებრიშვილი აშშ-ში, Flowers Winery and Vineyard-ში მუშაობს

აგრარული უნივერსიტეტის მევენახეობა-მეღვინეობის პროგრამის კურსდამთავრებული მედეა მღებრიშვილი MAST International-ის პროგრამით აშშ-ში, ჰილდსბურგში, მეღვინეობა Flowers Winery and Vineyard-ში მუშაობს.

პროგრამის ფარგლებში, მედეა ჩართულია ღვინის საწარმოს მუშაობის პროცესში და ეცნობა ადგილობრივ მეღვინეობებს. გარდა ამისა, მან ერთი სემესტრის განმავლობაში მინესოტას უნივერსიტეტში გაიარა მეღვინეობასთან დაკავშირებული სხვადასხვა საგანი.

მედეა ახლა უკვე მორიგი რთველის მისაღებად ემზადება და მიღებული პრაქტიკული თუ თეორიული ცოდნა ძალიან მნიშვნელოვანია მისთვის, რადგან სამომავლოდ გეგმავს საკუთარი საოჯახო ღვინის მარნის გაფართოებას.