მიქაელ გაგოშიძე სწავლას დიდ ბრიტანეთში გააგრძელებს

აგრარული უნივერსიტეტის საინჟინრო-ტექნოლოგიური ფაკულტეტის ელექტრო და კომპიუტერული ინჟინერიის კურსდამთავრებული მიქაელ გაგოშიძე სწავლას დიდ ბრიტანეთში გააგრძელებს.

 

მიქაელმა წელს საერთაშორისო განათლების ცენტრის სასწავლო გრანტი მოიპოვა. ის მაგისტრატურაზე ისწავლის University of Birmingham-ში Electronic and Computer Engineering Masters/MSc მიმართულებით.

 

მიქაელმა აგრარული უნივერსიტეტი 2017 წელს დაამთავრა. ამავე წელს ის საინჟინრო-ტექნოლოგიური ფაკულტეტის სხვა სტუდენტებთან ერთად გახდა საერთაშორისო სამეცნიერო კოლაბორაცია JEDI-ს წევრი (Jülich Electric Dipole moment Investigations), რის ფარგლებშიც არაერთხელ იმყოფებოდა გერმანიაში იულიხის კვლევით ცენტრში მიწვეული სტუდენტის სტატუსით სამეცნიერო კვლევებში მონაწილეობის მისაღებად.