ნანი ჯომარჯიძემ სტაჟირება საფრანგეთში გაიარა

მევენახეობა-მეღვინეობის პროგრამის კურსდამთავრებულმა ნანი ჯომარჯიძემ სტაჟირება საფრანგეთში, ქალაქ მონპელიეში გაიარა. სტაჟირების პროგრამა განხორციელდა L’institut Agro Montpellier-თან თანამშრომლობით და Erasmus-ის დაფინანსებით.

პროექტი მოიცავდა ქარვისფერი ღვინის წარმოებას და მის ფარგლებში, იგეგმება ფრანგულ პირობებზე ადაპტირებული ქარვისფერი ღვინის წარმოება ახალი რეზისტენტული ჯიშისაგან - Floreal. ამ პროცესში კი ნანი აქტიურად იყო ჩართული. მისი მთავარი მიზანია შეიძინოს პრაქტიკული გამოცდილება ქვევრის ღვინის ტექნოლოგიის მიმართულებით, გაიღრმავოს ცოდნა ფრანგი მომხმარებლების გემოვნების შესახებ და შეისწავლოს თანამედროვე მევენახეობა-მეღვინეობის ევროპული მიდგომები.

პარალელურად, ნანიმ გაიარა Vinifera Euromaster-ის პროგრამის საგნები. სამომავლოდ, ნანის სურს დააგროვოს მრავალფეროვანი გამოცდილება მევენახეობისა და მეღვინეობის საკითხებში სხვადასხვა ქვეყნის მაგალითზე და საბოლოოდ, კარდენახში დააფუძნოს საკუთარი მეღვინეობა.