ნიკორას სტიპენდიის 2024 წლის გამარჯვებულები გამოვლენილია

კომპანია ნიკორა ყოველთვიურ სტიპენდიას გადასცემს საქართველოს აგრარული უნივერსიტეტის სასურსათო ტექნოლოგიის წარმატებულ სტუდენტებს. მიმდინარე სემესტრში სტიპენდია მოიპოვეს: სალომე ჩერქეზიშვილმა, გიორგი ნაფეტვარიძემ, ლიზი ნუცუბიძემ და ანნა ჭიღლაძემ.

კომპანიის წარმომადგენელმა სტუდენტებს კახა ბენდუქიძის კვირეულის ფარგლებში გამართულ დასაქმების ფორუმზე გადასცეს სტიპენდიის სიგელები. 

კომპანია ნიკორა საქართველოს აგრარულ უნივერსიტეტთან მჭიდრო თანამშრომლობის ფარგლებში, სტუდენტთა მხარდასაჭერად ყოველთვიურ სტიპენდიას 2018 წლიდან გადასცემს სასურსათო ტექნოლოგიის III-IV კურსის მაღალი აკადემიური მოსწრების მქონე სტუდენტებს.