ნოდარ დუმბაძემ საუკეთესო პოსტერის პრიზი მიიღო

27-30 ივლისს თბილისის სახელმწიფო უნივერსიტეტში ჩატარდა 7th International Caucasian Symposium on Polymers and Advanced Materials, სადაც საუკეთესო პოსტერის პრიზი დაიმსახურა თავისუფალი და აგრარული უნივერსიტეტების ერთობლივი სამაგისტრო პროგრამის წლევანდელი წლის კურსდამთავრებულმა, ნოდარ დუმბაძემ, რომელმაც წარადგინა პოსტერი "Optimization of Synthesis of Disulfonated 4,4'-Difluorodiphenylsulfone and Synthesis and Characterization of Poly(Phenylene Sulfones) in Different Ionic Forms".

ნოდარი წლებია ჩართულია და ასრულებს მნიშვნელოვან სამუშაოს პროექტში, რომელიც ეხება საწვავი ელემენტებისათვის ახალი ტიპის პროტონგამტარი მემბრანების განვითარებას და რომელიც ტარდება მყარი სხეულების კვლევის მაქს პლანკის ინსტიტუტთან (შტუტგარტი, გერმანია) მჭიდრო თანამშრომლობით.