საჯარო ლექცია – „უკრაინა: არსებული და მომავალი ეკონომიკური გამოწვევები“

კახა ბენდუქიძის კვირეულის ფარგლებში ბულგარელი რეფორმატორის კრასენ სტანჩევის საჯარო ლექცია – „უკრაინა: არსებული და მომავალი ეკონომიკური გამოწვევები“ ჩატარდა კამპუსში. მას თავისუფალი უნივერსიტეტის გამორჩეული პროფესორის წოდება მიენიჭა.

კრასენ სტანჩევი არის მაკროეკონომისტი და საჯარო სექტორის კვლევების პროფესორი სოფიას უნივერსიტეტში. ის ერთ-ერთი ყველაზე ციტირებული ბულგარელი მკვლევარია.

სტანჩევი იყო საბაზრო ეკონიმიკის ინსტიტუტის საბჭოს თავმჯდომარე, დამფუძნებელი და ყოფილი აღმასრულებელი დირექტორი (1993-2006). ასევე, ის იყო ბულგარეთის საკონსტიტუციო ასამბლეის ყოფილი წევრი და კომიტეტის თავმჯდომარე (1990-1991).

კრასენ სტანჩევი, აღმოსავლეთ ევროპის ქვეყნებში, ცენტრალური დაგეგმარებიდან საბაზრო ეკონომიკაზე გადასვლის ერთ-ერთი აღიარებული რეფორმატორია.