ღვინის ფესტივალი 8000 მოსავალში

8000 მოსავალი / 8000 Vintages-მა უკვე მესამედ უმასპინძლა აგრარული უნივერსიტეტის ბოლო კურსის სტუდენტების ღვინის დეგუსტაციას.

სტუდენტები უნივერსიტეტის მევენახეობა-მეღვინეობის აკადემიის ღვინის თანამედროვე და ტრადიციულ მარანებში დამოუკიდებლად ამზადებენ თავიანთ საავტორო ღვინოებს.

მევენახეობა-მეღვინეობის პროგრამის სტუდენტებთან ერთად ღვინოების ეტიკეტს ქმნიან თბილისის თავისუფალი უნივერსიტეტის ვიზუალური ხელოვნების, არქიტექტურის და დიზაინის პროგრამის - VA[A]DS-ის სტუდენტები.

სტუდენტები თვითონ არჩევენ ყურძნის ჯიშსა და ტექნოლოგიას, მართავენ ღვინის შექმნისათვის საჭირო ყველა პროცესს, ამუშავებენ ღვინის კონცეფციას და დასაგემოვნებლად წარუდგენენ მომხმარებელს.