შოთა ნატროშვილი სწავლას ევროპაში გააგრძელებს

აგრარული უნივერსიტეტის მევენახეობა-მეღვინეობის მიმართულების კურსდამთავრებული, შოთა ნატროშვილი სწავლას ევროპაში გააგრძელებს.

შოთამ ერასმუს მუნდუსის სტიპენდია მოიპოვა და ღვინის ტურიზმის ერთიან სამაგისტრო პროგრამაზე (International Master on Wine Tourism Innovation – WINTOUR) ისწავლის სრული დაფინანსებით.

აღნიშნული პროგრამა 2 წლიანია და ხორციელდება ევროპის სამ უნივერსიტეტში: Rovira i Virgili University-ში (ტარაგონა, ესპანეთი), University of Bordeaux-ში (ბორდო, საფრანგეთი) და University of Porto-ში (პორტო, პორტუგალია).

შოთა 2017 წელს სწავლობდა გაიზენჰაიმის უნივერსიტეტში (გერმანია) ერასმუს+ გაცვლითი პროგრამის ფარგლებში.

შოთას ასევე აქვს საკუთარი მარანი "იბერო" სოფელ ვაჩნაძიანში, რომლის ღვინოც ექსპორტზე გადის დიდ ბრიტანეთსა და ლიტვაში.