სტუდენტების შექმნილი ქართული ღვინის ინდექსი

მატრიცაზე წარმოდგენილია ქართული ღვინის ინდექსი.

ქართული ღვინის ინდექსი შექმნეს საქართველოს აგრარული უნივერსიტეტის მევენახეობა-მეღვინეობის საბაკალავრო პროგრამის მეოთხე კურსის სტუდენტებმა, ღვინის მარკეტინგის საგნის ფარგლებში, ლექტორის ბექა კოკაიას ხელმძღვანელობით.

მატრიცის ღერძებია იშვიათი/გავრცელებული ჯიშები და ღვინის დაძველების პოტენციალი/ცინცხალი არომატები.

საქართველოში დადასტურებულად არსებობს ვაზის 525 ჯიში, თუმცა, დღეს იწარმოება ბევრად ნაკლები.

ინდექსის შექმნის მიზანია ქართული ღვინით დაინტერესებულმა ადამიანმა ნახოს ბაზარზე წარმოდგენილი ტოპ-50 ქართული ღვინოებიდან რომელია ფარდობითად ყველაზე გავრცელებული ან იშვიათი და ფარდობითად რომელს აქვს დაძველების მეტი პოტენციალი და/ან ცინცხალი არომატები.

მსოფლიო მეღვინეობაში დიდწილად ამ პარამეტრების მიხედვით დგება ღვინის ფასი.