სურსათის უვნებლობის მენეჯმენტის პროგრამის პირველმა ნაკადმა წარმატებით დაასრულა სწავლა.

საქართველოს აგრარული უნივერსიტეტის სურსათის უვნებლობის მენეჯმენტის პროგრამის პირველმა ნაკადმა წარმატებით დაასრულა სწავლა. სერტიფიკატების გადაცემის ცერემონია 5 მაისს გაიმართა.

პროგრამა შემუშავდა კერძო სექტორთან პარტნიორობით და მიზნად ისახავს შრომის ბაზარზე ორიენტირებული, ხარისხიანი ცოდნის მქონე კვალიფიციური კადრების მომზადებას.

კურსდამთავრებულებმა შეიძინეს როგორც თეორიული ცოდნა, ასევე პრაქტიკული უნარები, რაც მათ საშუალებას მისცემს დამოუკიდებლად შექმნან, დანერგონ, მართონ და განავითარონ სურსათის უვნებლობის მართვის სისტემები სურსათის წარმოების ჯაჭვში ჩართული ნებისმიერი ბიზნესოპერატორისთვის.

კურსდამთავრებულებმა წარმატებით გაიარეს სხვადასხვა საგანი, მათ შორის: სურსათის მიკრობიოლოგია და ქიმია, სურსათის საფრთხეები, პრერეკვიზიტული პროგრამები (GHP, GMP, GDP), HACCP სისტემა და სხვა.

სერტიფიკატების გადაცემის ცერემონიაზე კურსდამთავრებულებს სიტყვით მიმართეს:

• ვატო ლეჟავამ, საქართველოს აგრარული უნივერსიტეტის რექტორმა
• ჟუჟა ხაჭაპურიძემ, სასურსათო ტექნოლოგიის საბაკალავრო და სამაგისტრო პროგრამების ხელმძღვანელმა.