თამარ ზაკალაშვილი სწავლას აგრძელებს ღვინის ტურიზმის სამაგისტრო პროგრამაზე

მევენახეობა-მეღვინეობის პროგრამის კურსდამთავრებული თამარ ზაკალაშვილი სწავლას აგრძელებს ღვინის ტურიზმის ერთობლივ ორწლიან სამაგისტრო პროგრამაზე. იგი ისწავლის ესპანეთში, საფრანგეთსა და პორტუგალიაში.

თამარმა მოიპოვა Erasmus Mundus Joint Master Scholarship, რაც მოიცავს სწავლის სრულიად დაფინანსებასა და ყოველთვიურ სტიპენდიას.

თამარის სასწავლო პროგრამა მოიცავს ისეთ საგნებს, როგორიცაა შემაგრებული ღვინის ტექნოლოგია, ცქრიალა ღვინის ტექნოლოგია, ღვინის მარკეტინგი, ღვინის ტურიზმი და სხვა. ასევე, პროგრამის ფარგლებში, შესაძლებელია პრაქტიკის გავლა ევროპის ორ სხვა ქვეყანაშიც - ერთხელ ღვინის ტურიზმის მიმართულებით და მეორედ რთველზე.

თამარი აგრარულ უნივერსიტეტში სწავლისას მონაწილეობდა გაიზენჰაიმის უნივერსიტეტთან გაცვლით პროგრამაში ღვინის ბიზნესის მიმართულებით და მიღებულმა ცოდნამ მისცა ბიძგი მის დაინტერესებას ღვინის ტურიზმით.