აგრონომიისა და ლანდშაფტის მენეჯმენტის სკოლა

ლანდშაფტის მენეჯმენტის, საპარკო და სატყეო საქმის საბაკალავრო პროგრამის აღწერა

საქართველოს აგრარული უნივერსიტეტის ლანდშაფტის მენეჯმენტის, საპარკო და სატყეო საქმის საბაკალავრო პროგრამის მიზანია მეტყევეობის, ლანდშაფტის დაგეგმარების, ურბანული გამწვანების, მერქნის დამუშავების ტექნოლოგიის მიმართულებით იმ უნარ-ჩვევების დაუფლება, რომელიც მნიშვნელოვანია თანამედროვე შრომის ბაზარზე დასაქმებისა და წარმატებული კარიერისთვის.

ლანდშაფტის მენეჯმენტის, საპარკო და სატყეო საქმის საბაკალავრო პროგრამის ფარგლებში სტუდენტი შეისწავლის:

• ბუნებრივი ტყის ეკოსისტემების, ხელოვნური ნარგავების მდგრადი მართვისა და  მოვლა-დაცვას, აღდგენა განახლებას და ტყის რესურსებით სარგებლობის პრინციპებს
• დეკორატიული ბაღ-პარკების დაგეგმარების პრინციპებს და თავისებურებებს
• ურბანული გამწვანების დაგეგმარების და მართვის საფუძვლებს
• დეკორატიულ მცენარეებს, მათ ბიოეკოლოგიურ თავისებურებებს, სარგავი მასალის გამოყვანას და მოვლა-გაშენებას
• ურბანულ გარემოში არსებული გამწვანების მიერ წარმოქმნილი ეკოსისტემური სერვისების ბენეფიტების აღქმას და მათი მნიშვნელობის გაანალიზებას
• ხის გადამუშავების საწარმოს დაგეგმვას, სტრუქტურას და აღჭურვილობას
• მერქნის დამუშავების ტექნოლოგიას - ქიმიურ და თერმულ დამუშავებას, შრობას
• გადამუშავებული მერქნული რესურსების სტანდარტიზაციას (შპალი, შპონი, ფიცარი) და გამოყენებას

საქართველოს აგრარული უნივერსიტეტის ლანდშაფტის მენეჯმენტის, საპარკო და სატყეო საქმის პროგრამა შემუშავებულია ევროპის მოწინავე უმაღლესი სასწავლებლების საგანმანათლებლო პროგრამების გათვალისწინებით, კერძოდ: University of Natural Resources and Life Sciences (ავსტრია); Faculty of Forestry and Wood Technology, Mendel University (ჩეხეთი); Wood Technology Department, University of Applied Sciences Eberswalde (გერმანია).

საბაკალავრო პროგრამის წარმატებით დასრულების შემთხვევაში, კურსდამთავრებულს ენიჭება კვალიფიკაცია - სატყეო საქმის ბაკალავრი. საბაკალავრო პროგრამის ხანგრძლივობაა 4 წელი.

ქმედებაზე დაფუძნებული სწავლება

სწავლების მნიშვნელოვანი დრო ლაბორატორიულ მეცადინეობებს ეთმობა და ეფუძნება ქმედებაზე ორიენტირებულ სწავლებას (learning-by-doing). ეს გულისხმობს, რომ თითოეულ სტუდენტს ინდივიდუალური სამუშაო ადგილი აქვს თანამედროვედ აღჭურვილ ლაბორატორიებში და დამოუკიდებლად, თავისი ხელით უწევს ექსპერიმენტის/ცდის/ანალიზის ჩატარება. ლაბორატორიული მეცადინეობისას სტუდენტთა ჯგუფები არ უნდა აღემატებოდეს 20 ადამიანს. ეს, თავის მხრივ, დადებითად აისახება სტუდენტების სწავლის შედეგებზე.

დასაქმების სფეროები

საბაკალავრო პროგრამის კურსდამთავრებულს შეუძლია დასაქმდეს სხვადასხვა პროფილის ორგანიზაციაში: გამწვანების კომპანიები და სერვისები, სანერგე მეურნეობები, კვლევითი ინსტიტუტები და შესაბამისი პროფილის ლაბორატორიები, ხე-ტყის გადამამუშავებელი კომპანიები, არასამთავრობო ორგანიზაციები თუ საერთაშორისო პროექტები, ბოტანიკური ბაღები, დაცული ტერიტორიის სააგენტო და სხვა.

პროგრამის აღწერა